കല്പ്പറ്റ: വയനാട്ടിലെ ഉരുള്പൊട്ടലില് മരണം 155 ആയി. മരണസംഖ്യ ഇനിയും ഉയരുമെന്നാണ് സൂചന. നിരവധി ആളുകളെ ഇനിയും കണ്ടെത്താനുണ്ടെന്നാണ് പ്രദേശവാസികള് പറയുന്നത്. 191 പേര് വിവിധ ആശുപത്രികളില് ചികിത്സയിലാണ്. 3069 പേരാണ് ദുരിതാശ്വാസ ക്യാമ്പുകളില് കഴിയുന്നത്. പരിക്കേറ്റ ഏതാനും പേരുടെ നില അതീവ ഗുരുതരമാണെന്നാണ് റിപ്പോര്ട്ടുകള്. ഇന്ന് നടത്തിയ തിരച്ചിലിലാണ് കൂടുതല് മൃതദേഹങ്ങള് കണ്ടെത്തിയത്. 98 ഓളം പേരെ കാണാനില്ലെന്നാണ് ഔദ്യോഗിക റിപ്പോര്ട്ടുകള്.
പനങ്കയത്ത് രണ്ട് മൃതദേഹങ്ങള് കണ്ടെടുത്തു. ചാലിയാര് പുഴയില് നിന്നും രണ്ട് മൃതദേഹങ്ങള് കൂടി കിട്ടി. ഇന്ന് രാവിലെ നടത്തിയ തിരച്ചിലില് ഇതുവരെ 18 മൃതദേഹങ്ങള് കൂടി കണ്ടെത്തി. ദുരന്തത്തില് പോത്തുകല്ലില് നിന്ന് ഇതുവരെ കണ്ടെത്തിയത് 59 മൃതദേഹങ്ങളാണ്. ഉരുള് പൊട്ടലില് മരിച്ച 143 മൃതദേഹങ്ങളുടെ പോസ്റ്റ്മോര്ട്ടം പൂര്ത്തിയായി. 48 പേരെ തിരിച്ചറിഞ്ഞു. നിലമ്പൂരില് 31 മൃതദേഹങ്ങളുടെ പോസ്റ്റ്മോര്ട്ടവും പൂര്ത്തിയായിട്ടുണ്ട്. തിരച്ചറിഞ്ഞ മൃതദേഹങ്ങള് അതിവേഗം വിട്ടു നല്കാന് നടപടി. സംസ്കാരത്തിന് സാഹായത്തിനായി സന്നദ്ധ സംഘടനകളും രംഗത്തെത്തിയിട്ടുണ്ട്.
