വയനാട്: മുണ്ടകൈ- ചൂരല്മല പ്രദേശത്തെ ഉരുള്പൊട്ടല് രക്ഷാ ദൗത്യത്തിനായി സര്ക്കാരിന്റെ വരവ് ചെലവു കണക്കുകള് പുറത്ത്. ഒരു മൃതദേഹം സംസ്കരിക്കുന്നതിന് 75000 രൂപ ചിലവായെന്നാണ് കണക്കില് പറയുന്നത്. 359 മൃതദേഹങ്ങള് സംസ്കരിക്കുന്നതിന് 2 കോടി 76 ലക്ഷം ചെലവിട്ടു. ദുരിതബാധിതര്ക്ക് നല്കിയതിനെക്കാള് തുക ചെലവഴിച്ചത് വൊളണ്ടിയര്മാര്ക്കാണെന്നാണ് പുറത്ത് വന്ന കണക്കുകള് സൂചിപ്പിക്കുന്നത്.
വൊളണ്ടിയര്മാരുടെ വണ്ടി ചെലവിനും ഭക്ഷണത്തിനും 14 കോടി ചിലവാക്കി. വൊളണ്ടിയര്മാരുടെ ഗതാഗതത്തിന് മാത്രം 4 കോടി ചെലവായി. ദുരിതാശ്വാസ ക്യാമ്പുകളിലെ ജനറേറ്റര് ചെലവ് 7കോടിയെന്നാണ് സര്ക്കാര് സത്യവാങ്മൂലം പരാമര്ശിച്ചുള്ള കോടതി റിപ്പോര്ട്ടില് പറയുന്നത്. ദുരിതാശ്വാസ പ്രവര്ത്തനങ്ങള്ക്ക് വന്ന വോളണ്ടിയേഴ്സിന് യൂസര് കിറ്റ് നല്കിയ വകയില് ആകെ 2 കോടി 98 ലക്ഷം ചിലവായി. ബെയ്ലി പാലത്തിന്റെ നിര്മ്മാണത്തിന് ഒരു കോടി രൂപ. 17 ദുരിതാശ്വാസ ക്യാമ്പുകളില് 30 ദിവസത്തേക്ക് ജനറേറ്ററിന്റെ ചിലവ് 7 കോടിയാണ്. ഇന്ത്യന് എയര് ഫോഴ്സിന് എയര് ലിഫ്റ്റിംഗ് ഹെലികോപ്ടര് ചാര്ജ്ജ് 17 കോടി. ദുരിതബാധിതരെ ഒഴിപ്പിക്കാന് വണ്ടികള് ഉപയോഗിച്ച വകയില് 12 കോടി.
മിലിട്ടറി / വോളണ്ടിയര്മാര് എന്നിവരുടെ ട്രാന്സ്പോട്ടേഷന് വകയില് 4 കോടി. മിലിട്ടറി വോളണ്ടിയര്മാര് എന്നിവരുടെ മെഡിക്കല് സൗകര്യങ്ങള് നല്കിയ വകയില് 2 കോടി. മിലിട്ടറി / വോളണ്ടിയര്മാര് എന്നിവരുടെ താമസ സൗകര്യങ്ങള് ഒരുക്കിയ വകയില് 15 കോടി. മിലിട്ടറി / വോളണ്ടിയര്മാര് എന്നിവരുടെ ഭക്ഷണ / വെള്ള ആവശ്യങ്ങള്ക്ക് 10 കോടി. ജെസിബി, ഹിറ്റാച്ചി, ക്രെയിന് എന്നിവക്ക് ചിലവായത് 15 കോടിയാണ്. ദുരിതാശ്വാസ ക്യാമ്പിലെ ഭക്ഷണത്തിനായുള്ള ചിലവ് 8 കോടിയും ദുരിതാശ്വാസ ക്യാമ്പിലുള്ളവരുടെ വസ്ത്രങ്ങള്ക്കായി ചിലവ് 11 കോടി. മെഡിക്കല് പരിശോധന ചിലവ് എട്ടുകോടിയും ആയി. ക്യാമ്പിലെ ജനറേറ്ററിന് 7 കോടി ചിലവായി. ഡ്രോണ് റഡാര് വാടക 3 കോടിയായി. ഡിഎന്എ പരിശോധനക്കായി 3 കോടി ചിലവാക്കിയെന്നും കണക്കുകള് സൂചിപ്പിക്കുന്നു.
