മലപ്പുറം: നിപ സ്ഥിരീകരിച്ച മലപ്പുറം തിരുവാലിയില് ഇന്നും ആരോഗ്യ വകുപ്പ് സര്വേ തുടരും. രോഗലക്ഷണങ്ങളുള്ളവരെ കണ്ടെത്താന് ലക്ഷ്യമിട്ടാണ് സര്വ്വേ നടക്കുന്നത്. ഇന്നലെ നടത്തിയ സര്വേയില് സമ്പര്ക്ക പട്ടികയിലുള്ള ഒരാളടക്കം 49 പനി ബാധിതരെ കണ്ടെത്തിയിട്ടുണ്ട്. മരിച്ച വിദ്യാര്ഥിയുടെ റൂട്ട് മാപ്പ് ഇന്നലെ ആരോഗ്യ വകുപ്പ് പുറത്തുവിട്ടിരുന്നു. ഇതനുസരിച്ച് കിട്ടുന്ന വിവരങ്ങള് കൂടി വരുന്നതോടെ സമ്പര്ക്ക പട്ടിക ഉയര്ന്നേക്കും. മലപ്പുറം ജില്ലയിലും പ്രത്യേകിച്ച് തിരുവാലി, മമ്പാട് പഞ്ചായത്തുകളിലെ കണ്ടെയ്മെന്റ് സോണായ വാര്ഡുകളിലും കര്ശന നിയന്ത്രണങ്ങള് തുടരുകയാണ്.
നിപ സ്ഥിരീകരിച്ച മലപ്പുറം ജില്ലയില് 175 പേര് സമ്പര്ക്കപ്പട്ടികയില് ഉള്പ്പെട്ടതായാണ് ഇന്നലെ ആരോഗ്യ മന്ത്രി വീണാ ജോര്ജ് അറിയിച്ചത്. പുതുക്കിയ പട്ടികയിലാണ് 175 പേര്. ഇതില് 74 പേര് ആരോഗ്യ പ്രവര്ത്തകരാണ്. 126 പേരാണ് പ്രാഥമിക സമ്പര്ക്ക പട്ടികയിലുള്ളത്. 49 പേര് സെക്കന്ഡറി സമ്പര്ക്ക പട്ടികയിലുമുണ്ട്.
