കൊച്ചി: പീഡനാതിക്രമ കേസില് നടന് സിദ്ധിഖിനെ പിടികൂടാനാവാതെ പോലീസ്. ഹൈക്കോടതി ജാമ്യാപേക്ഷ തള്ളിയതിന് പിന്നാലെ സിദ്ധിഖ് ഒളിവില് പോയതാണെന്നാണ് സൂചന. സിദ്ദിഖിനായി എറണാകുളം കേന്ദ്രീകരിച്ച് രാത്രി വൈകിയും പരിശോധന നടന്നിരുന്നു. നടന് മുതിര്ന്ന അഭിഭാഷകനുമായി കൂടിക്കാഴ്ച നടത്തിയെന്നും ഇന്ന് സുപ്രീംകോടതിയെ സമീപിക്കുമെന്നും സൂചനയുണ്ട്.
എറണാകുളത്തെ സിദ്ദിഖിന്റെ വീടുകളും സുഹൃത്തുക്കളുടെയും ബന്ധുക്കളുടെയും വീടുകളുമെല്ലാം കേന്ദ്രീകരിച്ച് പോലീസ് അന്വേഷണം നടത്തുന്നുണ്ട്. ഹോട്ടലുകളിലടക്കമുള്ള പരിശോധന ഇന്നലെ അര്ദ്ധരാത്രിയും തുടര്ന്നു. അതിനിടെ പ്രതിയെ രക്ഷപെടാന് അനുവദിക്കുയാണെന്ന് ആരോപിച്ച് അന്വേഷണസംഘത്തിനെതിരെ പ്രതിഷേധവും ഉയരുന്നുണ്ട്. ലുക്ക് ഔട്ട് നോട്ടീസ് ഉളളതിനാല് വിദേശത്തേക്ക് കടക്കാനുളള സാധ്യതയില്ലെന്നാണ് നിഗമനം. സിദ്ദിഖിനായി ഇതര സംസ്ഥാനങ്ങള് കേന്ദ്രീകരിച്ചും അന്വേഷണം നടക്കുന്നുണ്ട്.
