എറണാകുളം: ആലുവയില് അഞ്ചുവയസ്സുകാരിയെ കൊലപ്പെടുത്തിയ കേസില് വധശിക്ഷ നല്കരുതെന്ന് പ്രതി അസഫാക് ആലം. പ്രായം കണക്കിലെടുത്ത് ശിക്ഷയില് ഇളവ് നല്കണമെന്നും മനഃപരിവര്ത്തനത്തിന് അവസരം വേണമെന്നും അസഫാക് കോടതിയില് പറഞ്ഞു. എറണാകുളം പോക്സോ കോടതിയിലാണ് വാദം തുടരുന്നത്.
വധശിക്ഷ വരെ ലഭിക്കാവുന്ന അഞ്ചു കുറ്റങ്ങള് അടക്കം ഗൗരവസ്വഭാവമുള്ള 16 കുറ്റങ്ങളാണ് അസഫാക് ആലത്തിനെതിരെ കോടതി കണ്ടെത്തിയിട്ടുള്ളത്. കഴിഞ്ഞ ജൂലൈ 28 നാണ് ബിഹാര് സ്വദേശികളായ ദമ്പതികളുടെ അഞ്ച് വയസ്സുള്ള കുഞ്ഞിനെ അസഫാക് ആലം വിളിച്ചുകൊണ്ടുപോയി ക്രൂരമായി ബലാത്സംഗം ചെയ്തു കൊന്നത്.
