പത്തനംതിട്ട: ശബരിമല മേല്ശാന്തിയായി അരുണ് കുമാര് നമ്പൂതിരിയെ തെരഞ്ഞെടുത്തു. കൊല്ലം പതിനാറാമതായാണ് അരുണ് കുമാര് നമ്പൂതിരിയെ തെരഞ്ഞെടുത്തത്. തിരുവനന്തപുരം ആറ്റുകാല് ക്ഷേത്രത്തിലെ മുന് മേല്ശാന്തിയാണ്. അടുത്ത ഒരു വര്ഷം ശബരിമലയിലെ മേല്ശാന്തിയായി സേവനമനുഷ്ഠിക്കുന്നത് അരുണ് കുമാര് നമ്പൂതിരി ആയിരിക്കും. മാളികപ്പുറം മേല്ശാന്തിയായി കോഴിക്കോട് തിരുമംഗലത്ത് ഇല്ലം ടി വാസുദേവന് നമ്പൂതിരിയെയും തെരഞ്ഞെടുത്തു.
ഉഷപൂജക്ക് ശേഷം രാവിലെ 7.30യോടെയാണ് നറുക്കെടുപ്പ് നടന്നത്. ശബരിമലയിലേക്ക് 24 പേരും മാളികപ്പുറത്തേക്ക് 15 പേരുമാണ് അന്തിമ പട്ടികയില് ഉണ്ടായിരുന്നത്. തുലാമാസ പൂജകള്ക്കായി ഇന്നലെയാണ് ശബരിമല നട തുറന്നത്. ഒക്ടോബര് 21ന് നട അടയ്ക്കും. മണ്ഡലകാലത്തിന് തുടക്കം കുറിച്ച് നട തുറക്കുന്ന നവംബര് 15നാണ് പുതിയ മേല്ശാന്തിമാര് ചുമതല ഏറ്റെടുക്കുന്നത്.
