കൊച്ചി: സംസ്ഥാനം ഉപതെരഞ്ഞെടുപ്പ് ചൂടില്. വയനാട് ലോക്സഭാ മണ്ഡലത്തിലെ യുഡിഎഫ് സ്ഥാനാര്ഥി പ്രിയങ്ക ഗാന്ധി ഈ മാസം 23 ന് പത്രിക സമര്പ്പിക്കും. 23 മുതല് പത്ത് ദിവസം മണ്ഡലത്തില് പര്യടനം നടത്തും. പ്രിയങ്കയ്ക്കെതിരെ എല്ഡിഎഫ് സ്ഥാനാര്ഥിയായി സത്യന് മൊകേരിയാണ് മത്സരിക്കുന്നത്. ബിജെപി സ്ഥാനാര്ഥിയുടെ പ്രഖ്യാപനം ഇന്ന് ഉണ്ടാകുമെന്നാണ് റിപ്പോര്ട്ടുകള്. വയനാട്, റായ്ബറേലി എന്നീ ലോക്സഭാ മണ്ഡലങ്ങളില് രാഹുല് ഗാന്ധി വിജയിച്ചതിനെ തുടര്ന്ന് അദ്ദേഹം വയനാട് ഒഴിഞ്ഞതോടെയാണ് ഉപതെരഞ്ഞെടുപ്പ്.
അതേ സമയം, സിപിഐഎം ജില്ലാ കമ്മിറ്റി ഓഫീസില് പി സരിന് വന് സ്വീകരണം നല്കി. പാലക്കാട്ടെ സ്ഥാനാര്ത്ഥിത്വത്തില് അന്തിമ തീരുമാനമായതോടെ മുതിര്ന്ന നേതാക്കളും യുവജനനേതാക്കളും ഓഫീസിലെത്തി സരിന് അഭിവാദ്യം അര്പ്പിച്ചു. വലിയ സ്വീകരണമാണ് സരിന് നേതാക്കള് നല്കിയത്. പാലക്കാട് എല്ഡിഎഫ് സ്ഥാനാര്ത്ഥിയായി സരിനായിരിക്കും ജനവിധി തേടുക. സരിന്റെ പേര് ജില്ലാ സെക്രട്ടറിയേറ്റ് ഐക്യകണ്ഠേന നിര്ദേശിക്കുകയായിരുന്നു. സിപിഐഎം സ്വതന്ത്രനായിട്ടായിരിക്കും വോട്ട് തേടുകയെന്നാണ് വിവരം. ഔദ്യോഗിക പ്രഖ്യാപനം വൈകിട്ടുണ്ടാവും.
