കൊച്ചി: മുണ്ടക്കൈ ചൂരല്മല ദുരന്തത്തെ അതിതീവ്ര ദുരന്തമായി പ്രഖ്യാപിക്കുന്നതില് രണ്ടാഴ്ചക്കകം തീരുമാനം അറിയിക്കണമെന്ന് കേന്ദ്രത്തോട് ആവശ്യപ്പെട്ട് ഹൈക്കോടതി. ദേശീയ ദുരന്തമായി മുണ്ടക്കൈ ദുരന്തത്തെ പ്രഖ്യാപിക്കാനാവില്ലെന്ന് കേന്ദ്രം അറിയിച്ചുവെന്ന് സംസ്ഥാന സര്ക്കാര് ഹൈക്കോടതിയെ അറിയിച്ചു. ഇത് ചൂണ്ടിക്കാണിച്ച് കെവി തോമസിന് നല്കിയ കത്ത് സര്ക്കാര് ഹൈക്കോടതിയില് ഹാജരാക്കി.
കൂടുതല് സഹായം നല്കുന്ന കാര്യം പരിശോധിച്ചു വരികയാണ്, എല്ലാ വിദഗ്ധ പരിശോധനയും കേന്ദ്രം പൂര്ത്തിയാക്കിയെന്നും ഈ മാസം അവസാനത്തോടെ തീരുമാനമുണ്ടാകുമെന്നും കേന്ദ്രസര്ക്കാര് കോടതിയെ അറിയിച്ചു. കേരളത്തിന്റെ ദുരന്ത നിവാരണ ഫണ്ടില് നിലവില് പണം ഉണ്ടെന്നും കേന്ദ്രസര്ക്കാര് കോടതിയില് ആവര്ത്തിച്ചു.
അതിതീവ്ര ദുരന്തമായി പ്രഖ്യാപിക്കുന്നതിന് ഉന്നതതല യോഗം ചേര്ന്നിട്ടില്ലെന്ന് കേന്ദ്രസര്ക്കാര് ഹൈക്കോടതിയില് വ്യക്തമാക്കിയത്. മതിയായ ഫണ്ട് കേരളത്തിന് ലഭ്യമാക്കിയെന്നും കൂടുതല് ഫണ്ട് നല്കുന്നതിന്റെ കാര്യത്തില് അന്തിമ തീരുമാനമെടുത്തിട്ടില്ലെന്നും കേന്ദ്ര സര്ക്കാരിന്റെ അഭിഭാഷകന് ഹൈക്കോടതിയെ അറിയിച്ചു. ഇതോടെ ഹൈക്കോടതി നിലപാട് കടുപ്പിച്ചു. അതിതീവ്ര ദുരന്തമായി പ്രഖ്യാപിക്കുന്നതില് രണ്ടാഴ്ചക്കകം തീരുമാനം അറിയിക്കണമെന്ന് കേന്ദ്രത്തോട് ഹൈക്കോടതി ആവശ്യപ്പെട്ടത്.
