പാലക്കാട്: പട്ടാമ്പിയില് ജപ്തി ഭയന്ന് വീട്ടമ്മ തീകൊളുത്തി ആത്മഹത്യ ചെയ്തു. പട്ടാമ്പി കീഴായൂര് സ്വദേശി ജയ(48)യാണ് മരിച്ചത്. ഷൊര്ണൂര് അര്ബന് കോ-ഓപ്പറേറ്റീവ് ബാങ്ക് ഉദ്യോഗസ്ഥര് വീട് ജപ്തി ചെയ്യാന് വീട്ടില് എത്തിയതോടെ ജയ മണ്ണെണ്ണ ഒഴിച്ച് തീ കൊളുത്തുകയായിരുന്നു.
80 ശതമാനത്തോളം പൊള്ളലേറ്റ ജയ തൃശൂര് മെഡിക്കല് കോളജില് ചികിത്സയിലിരിക്കെയാണ് മരിച്ചത്. പട്ടാമ്പി പൊലീസും തഹസില്ദാറും സ്ഥലത്തെത്തി ജപ്തി നടപടികള് നിര്ത്തിവെപ്പിച്ചു. 2015 മുതല് 2 ലക്ഷം രൂപയുടെ വായ്പ എടുക്കുകയും തിരിച്ചടവ് മുടങ്ങുകയുമായിരുന്നു. മുന്നറിയിപ്പ് നല്കിയിരുന്നതായും കൃത്യമായ നടപടി ക്രമങ്ങള് പാലിച്ചാണ് ജപ്തി നടപടികള് ചെയ്തതെന്നും ബാങ്ക് ഉദ്യോഗസ്ഥര് പറഞ്ഞു.
