ജഡ്ജിമാരുടെ പേരിൽ കോഴ വാങ്ങിയ കേസിൽ എഫ്ഐആർ റദ്ദാക്കണമെന്നാവശ്യപ്പെട്ട് അഡ്വ. സൈബി ജോസ് നൽകിയ ഹർജി ഹൈക്കോടതി തീർപ്പാക്കി. അന്തിമ റിപ്പോർട്ട് രണ്ട് മാസത്തിനുള്ളിൽ പരിഗണിക്കണം. വിജിലൻസ് കോടതിക്ക് ഹൈക്കോടതി ഇതുസംബന്ധിച്ച നിർദേശം നല്കി. അന്തിമ റിപ്പോർട്ടിന്റെ പകർപ്പിന് ഹർജിക്കാരൻ അപേക്ഷ നൽകിയാൽ പകർപ്പ് കൈമാറണമെന്നും കോടതി നിര്ദ്ദേശിച്ചു. അഭിഭാഷകനായ സൈബി ജോസ് 2019 ജൂലൈ 19 മുതൽ കൈക്കൂലി വാങ്ങിയെന്നാണ് എഫ്ഐആറിൽ പറയുന്നത്.
കൊച്ചി സെൻട്രൽ പൊലീസാണ് സൈബി ജോസിനെതിരെ കേസെടുത്തത്. ഐപിസി 420, അഴിമതി നിരോധനം സെക്ഷന് 7 എന്നീ വകുപ്പുകൾ പ്രകാരമാണ് കേസ്. ഹൈക്കോടതി രജിസ്ട്രാറർ ജനറൽ ഡിജിപിക്ക് നൽകിയ പരാതിയിലാണ് അന്വേഷണം തുടങ്ങിയത്.
