കൊച്ചി: കരിമണല് കമ്പനിയില് നിന്നും മാസപ്പടി വാങ്ങിയെന്ന ആരോപണത്തില് മുഖ്യമന്ത്രി പിണറായി വിജയനും മകള് വീണാ വിജയനും രമേശ് ചെന്നിത്തല, കുഞ്ഞാലിക്കുട്ടി അടക്കമുള്ള രാഷ്ട്രീയ നേതാക്കള്ക്ക് നോട്ടീസ് അയക്കും. വിജിലന്സ് അന്വേഷണം ആവശ്യപ്പെട്ടുള്ള ഹര്ജിയില് നിര്ണായക നീക്കവുമായി ഹൈക്കോടതി ഉത്തരവ്.
മുഖ്യമന്ത്രിയും മകളും ഉള്പ്പെടെ 12 പേര്ക്ക് നോട്ടീസ് അയക്കാനാണ് നിര്ദ്ദേശം. ഹര്ജിയില് എല്ലാവരെയും കേള്ക്കണമെന്നും എതിര്കക്ഷികളെ കേള്ക്കാതെ തീരുമാനം എടുക്കാനാകില്ലെന്നും ജസ്റ്റിസ് കെ ബാബു ചൂണ്ടിക്കാട്ടി. ഇതോടെ കേസില് എതിര്കക്ഷികളുടെ വാദം കേള്ക്കുമെന്നും ഉത്തരവ് വൈകുമെന്നും ഉറപ്പായി. ജസ്റ്റിസ് കെ ബാബു അധ്യക്ഷനായ സിംഗിള് ബെഞ്ചിന്റേതാണ് തീരുമാനം.
