സംസ്ഥാന വ്യാപകമായി വിവിധ വിദ്യാഭ്യാസ സ്ഥാപനങ്ങളോടനുബന്ധിച്ച് പ്രവര്ത്തിയ്ക്കുന്ന ഹോസ്റ്റലുകള്, കാന്റീനുകള്, മെസ്സുകള് കേന്ദ്രീകരിച്ച് വ്യാപക പരിശോധന. ഡിസംബര് 12, 13 തീയതികളിലായി സംസ്ഥാന ഭക്ഷ്യ സുരക്ഷാ വകുപ്പ് നടത്തിയ പരിശോധനയില് 9 സ്ഥാപനങ്ങളുടെ പ്രവര്ത്തനം നിര്ത്തിവയ്പ്പിച്ചു. വളരെ വൃത്തിഹീനമായ രീതിയില് ഉണ്ടായിരുന്ന ഹോട്ടലുകളുടെ പ്രവര്ത്തനമാണ് നിര്ത്തിവയ്പ്പിച്ചത്.
വിവിധ മേഖലകളിലെ കോച്ചിംഗ് സെന്ററുകളോടനുബന്ധിച്ച് പ്രവര്ത്തിയ്ക്കുന്ന ഹോസ്റ്റല്, മെസ്സ് എന്നിവിടങ്ങളിലാണ് പരിശോധന നടത്തിയത്. രണ്ട് ദിവസങ്ങളിലായി നടന്ന പരിശോധനയില് 995 ഹോസ്റ്റല്, കാന്റീന്, മെസ്സ് എന്നിവിടങ്ങളില് പരിശോധന നടത്തി.
കൂടാതെ, ഭക്ഷ്യ സുരക്ഷാ മാനദണ്ഡങ്ങളില് വീഴ്ച വരുത്തിയ 127 സ്ഥാപനങ്ങള്ക്ക് ഭക്ഷ്യ സുരക്ഷാ ഗുണനിലവാര നിയമപ്രകാരം കോമ്പൗണ്ടിംഗ് നോട്ടീസും 267 സ്ഥാപനങ്ങള്ക്ക് റെക്ടിഫിക്കേഷന് നോട്ടീസും നല്കി. കൂടാതെ 10 സ്ഥാപനങ്ങള്ക്ക് ഇംപ്രൂവ്മെന്റ് നോട്ടീസും നല്കിയതായും മന്ത്രി വീണാ ജോര്ജ് പറഞ്ഞു.
