ദില്ലി: പ്രധാനമന്ത്രി നരേന്ദ്ര മോദിക്കെതിരെ അപകീര്ത്തികരമായ പരാമര്ശം നടത്തിയതിന് മൂന്ന് മന്ത്രിമാരെ മാലദ്വീപ് സര്ക്കാര് സസ്പെന്ഡ് ചെയ്തു. മറിയം ഷിയുന, മല്ഷ ഷെരീഫ്, മഹ്സൂം മജീദ് എന്നിവരെ പ്രധാനമന്ത്രി മോദിക്കെതിരായ പരാമര്ശത്തിന്റെ പേരില് സസ്പെന്ഡ് ചെയ്തു. ഇത് വന് പ്രതിഷേധത്തിന് കാരണമായി.
കഴിഞ്ഞ ദിവസം മാലിദ്വീപ് സര്ക്കാര് വിവാദ പരാമര്ശത്തെ വ്യക്തിപരമായ അഭിപ്രായങ്ങള് എന്ന് വിളിച്ച് അതില് നിന്ന് സ്വയം പിന്മാറിയിരുന്നു. ജൂനിയര് വനിതാ മന്ത്രി മറിയം ഷിയൂനയുടെ പരാമര്ശം അനാവശ്യമാണെന്നും സ്വീകാര്യമല്ലെന്നും ഇന്ത്യ വ്യക്തമാക്കിയതിന് പിന്നാലെയാണ് പ്രസ്താവന.
പ്രധാനമന്ത്രി മോദിക്കെതിരായ പരാമര്ശത്തില് മന്ത്രിമാര്ക്കെതിരെ നടപടിയെടുക്കണമെന്ന് മുന് പ്രസിഡന്റുമാരായ മുഹമ്മദ് നഷീദും ഇബ്രാഹിം സോലിയും ആവശ്യപ്പെട്ടിരുന്നു.
