കരിങ്കല്ലില് കൊത്തി, സ്വര്ണ്ണ വില്ലും അമ്പും പിടിച്ച് നില്ക്കുന്ന രാം ലല്ല വിഗ്രഹത്തിന്റെ ആദ്യ ചിത്രം പുറത്ത്. ജനുവരി 22 ന് പ്രാണ് പ്രതിഷ്ഠയ്ക്ക് മൂന്ന് ദിവസം മുമ്പ് അയോധ്യയിലെ രാമജന്മഭൂമി ക്ഷേത്രത്തിന്റെ ശ്രീകോവിലിനുള്ളില് അഞ്ച് വയസ്സുള്ള കുട്ടിയായി 51 ഇഞ്ച് രാമന്റെ വിഗ്രഹം സ്ഥാപിച്ചു. വിശ്വഹിന്ദു പരിഷത്ത് പുറത്തിറക്കിയ രാം ലല്ല വിഗ്രഹത്തിന്റെ ശില്പി മൈസൂരു സ്വദേശി അരുണ് യോഗിരാജാണ്.
നില്ക്കുന്ന ഭാവത്തിലുള്ള പ്രതിമയുടെ കണ്ണുകള് മഞ്ഞ തുണികൊണ്ട് മൂടിയിരുന്നതായും റോസാപ്പൂമാല കൊണ്ട് അലങ്കരിച്ചതായും വിശ്വഹിന്ദു പരിഷത്ത് (വിഎച്ച്പി) ഭാരവാഹിയായ ശരദ് ശര്മ പറഞ്ഞു. ജനുവരി 17 ന് മന്ത്രോച്ചാരണങ്ങള്ക്കിടയിലാണ് വിഗ്രഹം ക്ഷേത്രത്തില് എത്തിച്ചത്.
രാമന്റെയും (രാം ലല്ല വിരാജ്മാന്) അദ്ദേഹത്തിന്റെ സഹോദരന്മാരുടെയും യഥാര്ത്ഥ വിഗ്രഹങ്ങള് ഗര്ഭഗൃഹത്തിനുള്ളിലെ പുതിയ വിഗ്രഹത്തിന് മുന്നില് സ്ഥാപിക്കും. 1949 മുതല് ഇവയെ ആരാധിച്ചുവരുന്നു, ഇപ്പോള് പരിസരത്തിനുള്ളിലെ താല്ക്കാലിക ക്ഷേത്രത്തില് സൂക്ഷിച്ചിരിക്കുകയാണ്. ചടങ്ങുകള്ക്ക് മുമ്പ് വിഗ്രഹങ്ങള് ഗര്ഭഗൃഹത്തിനുള്ളിലെ പുതിയ ക്ഷേത്രത്തിലേക്ക് മാറ്റും.
