ചെന്നൈ: കള്ളപ്പണ വെളുപ്പിക്കല് കേസുകളില് ഇഡി സമന്സ് അയച്ചാല് ബന്ധപ്പെട്ടവര് നിര്ബന്ധമായും ഹാജരാകണമെന്ന് സുപ്രീം കോടതി അറിയിച്ചു. അനധികൃത മണല് ഖനനവുമായി ബന്ധപ്പെട്ട അന്വേഷണത്തില് ഇഡിക്ക് മുന്നില് ഹാജരാകാന് തമിഴ്നാട് ജില്ലാ കളക്ടര്മാരോട് സുപ്രീംകോടതി ആവശ്യപ്പെട്ടു. വെല്ലൂര്, തിരുച്ചിറപ്പള്ളി, കരൂര്, തഞ്ചാവൂര്, അരിയല്ലൂര് ജില്ലാ കളക്ടര്മാരെ കേന്ദ്ര അന്വേഷണ ഏജന്സി വിളിപ്പിച്ചിരുന്നു. അഞ്ച് ജില്ലാ കളക്ടര്മാര്ക്ക് ഇളവ് അനുവദിച്ച മദ്രാസ് ഹൈക്കോടതി ഉത്തരവും സുപ്രീം കോടതി സ്റ്റേ ചെയ്തു.
ഇഡിക്കെതിരെ അഡീഷണല് ചീഫ് സെക്രട്ടറി, ജില്ലാ കളക്ടര് എന്നിവര്ക്കൊപ്പം തമിഴ്നാട് സംസ്ഥാനവും വളരെ വിചിത്രവും അസാധാരണവുമായ ഒരു റിട്ട് പെറ്റീഷന് സമര്പ്പിച്ചിട്ടുണ്ടെന്നും അത് പരോക്ഷമായി സ്തംഭിപ്പിക്കുകയോ ഒഴിവാക്കുകയോ ചെയ്യുമെന്ന് ജസ്റ്റിസുമാരായ ബേല എം ത്രിവേദി, പങ്കജ് മിത്തല് എന്നിവരടങ്ങിയ ബെഞ്ച് പറഞ്ഞു.
