ഇലക്ടറല്‍ ബോണ്ട് വിവരങ്ങള്‍ പുറത്ത്; ഏറ്റവും കൂടുതല്‍ സംഭാവന ബിജെപിക്ക്

ന്യൂഡല്‍ഹി: ഇലക്ടറല്‍ ബോണ്ടിലൂടെ ഏറ്റവും കൂടുതല്‍ സംഭാവന ലഭിച്ച പാര്‍ട്ടിയായി ബിജെപി. 2019 ഏപ്രില്‍ 12 നും 2024 ജനുവരി 24 നും ഇടയില്‍ 6,060.5 കോടി രൂപയുടെ ബോണ്ടുകള്‍ എന്‍ക്യാഷ് ചെയ്ത് ഇലക്ടറല്‍ ബോണ്ടുകളുടെ ഏറ്റവും മികച്ച ഗുണഭോക്താവായി ഭാരതീയ ജനതാ പാര്‍ട്ടി ഉയര്‍ന്നു.

ഇന്ത്യന്‍ തിരഞ്ഞെടുപ്പ് കമ്മീഷന്‍ പുറത്തുവിട്ട കണക്കുകള്‍ പ്രകാരം ഈ കാലയളവില്‍ എന്‍ക്യാഷ് ചെയ്ത മൊത്തം ബോണ്ടുകളില്‍ ബിജെപിയുടെ വിഹിതം 47.5 ശതമാനത്തിലധികം വരും. തൊട്ടുപിന്നില്‍, ഓള്‍ ഇന്ത്യ തൃണമൂല്‍ കോണ്‍ഗ്രസിന് ഇലക്ടറല്‍ ബോണ്ടുകള്‍ വഴി 1,609.50 കോടി ലഭിച്ചു. ഇത് മൊത്തം എന്‍കാഷ് ചെയ്ത തുകയുടെ 12.6% പ്രതിനിധീകരിക്കുന്നു. അതേസമയം, ഇന്ത്യന്‍ നാഷണല്‍ കോണ്‍ഗ്രസ് 1,421.9 കോടി നേടി. മൊത്തം ബോണ്ടുകളുടെ 11.1% എന്‍ക്യാഷ് ചെയ്തു. ഇത് നിശ്ചിത കാലയളവിലെ എന്‍കാഷ്മെന്റിന്റെ കാര്യത്തില്‍ യഥാക്രമം രണ്ടാമത്തെയും മൂന്നാമത്തെയും വലിയ സ്വീകര്‍ത്താവായി മാറി.
ബിആര്‍എസ് 1214.71 കോടിയും ബിജെഡി 775.50 കോടിയും കൈപ്പറ്റി.