ഉത്തര്പ്രദേശിലെ ഹത്രാസില് സത്സംഗിനിടെ തിക്കിലും തിരക്കിലും പെട്ട് 123 പേര് കൊല്ലപ്പെട്ട സംഭവത്തില് അവരുടെ കുടുംബാഗങ്ങളെ രാഹുല്ഗാന്ധി സന്ദര്ശിക്കും. ഹത്രാസിലെ സംഭവം ദുഃഖകരമാണ്. രാഹുല് ഗാന്ധി ഉടന് ഹത്രാസിനെ സന്ദര്ശിക്കുമെന്നും ഇരയുടെ കുടുംബത്തെ കാണുമെന്നും
എഐസിസി ജനറല് സെക്രട്ടറി കെ സി വേണുഗോപാല് പറഞ്ഞു.
അതിനിടെ, യുപി മുഖ്യമന്ത്രി യോഗി ആദിത്യനാഥും ബുധനാഴ്ച ഹത്രാസ് സന്ദര്ശിച്ചു. പരിക്കേറ്റ് ആശുപത്രിയില് കഴിയുന്നവരുമായി അദ്ദേഹം സംവദിക്കുകയും ദുരന്തത്തിലേക്ക് നയിച്ച സാഹചര്യങ്ങളെക്കുറിച്ച് നേരിട്ട് വിവരങ്ങള് ശേഖരിക്കുകയും ചെയ്തു. സംഭവത്തെ കുറിച്ച് അന്വേഷിക്കാന് അലഹബാദ് ഹൈക്കോടതിയിലെ വിരമിച്ച ജസ്റ്റിസ് ബ്രിജേഷ് കുമാര് ശ്രീവാസ്തവയുടെ അധ്യക്ഷതയില് ഉത്തര്പ്രദേശ് സര്ക്കാര് മൂന്നംഗ ജുഡീഷ്യല് അന്വേഷണ കമ്മീഷനെയും നിയോഗിച്ചു.
