മധ്യപ്രദേശ്: ഉജ്ജയിനില് കാറും ഓയില് ടാങ്കറും കൂട്ടിയിടിച്ചുണ്ടായ അപകടത്തില് നാല് പേര്ക്ക് ദാരുണാന്ത്യം. അപകടത്തില് മൂന്ന് പേര്ക്ക് പരിക്കേറ്റു. അജ്മീറില് നിന്ന് ഇന്ഡോറിലേക്ക് മടങ്ങുകയായിരുന്ന തീര്ത്ഥാടകരുടെ കാറാണ് അപകടത്തില് പെട്ടത്. ജില്ലാ ആസ്ഥാനത്ത് നിന്ന് 50 കിലോമീറ്റര് അകലെ ജൗറ-നാഗ്ദ റോഡിലെ ബേഡവന്യയ്ക്ക് സമീപമാണ് അപകടമുണ്ടായത്.
അപകടം നടന്ന ഉടനെ ടാങ്കര് ഡ്രൈവര് ഓടി രക്ഷപ്പെടുകയായിരുന്നു. നാല് പേര് സംഭവസ്ഥലത്ത് തന്നെ മരിച്ചു. അപകടത്തില് പരിക്കേറ്റവരെ വിദഗ്ധ ചികിത്സയ്ക്കായി ഇന്ഡോറിലേക്ക് മാറ്റി. ടാങ്കര് ഡ്രൈവര്ക്കെതിരെ കേസ് രജിസ്റ്റര് ചെയ്തതായി പൊലീസ് പറഞ്ഞു.
