മഹാരാഷ്ട്ര, ജാര്ഖണ്ഡ് നിയമസഭാ തിരഞ്ഞെടുപ്പുകളുടെ വോട്ടെണ്ണല് പുരോഗമിക്കുമ്പോള്, ഇരു സംസ്ഥാനങ്ങളിലെയും സ്ഥിതി കൂടുതല് വ്യക്തമാകുന്നു. മഹാരാഷ്ട്രയില് കോണ്ഗ്രസിന് കനത്ത തിരിച്ചടിയാണ് നേരിട്ടത്. എന്ഡിഎ നിലവില് മഹാരാഷ്ട്രയില് ഇന്ത്യ ബ്ലോക്കിനെതിരായ മത്സരത്തില് മുന്നിലാണ്. രാവിലെ എട്ട് മണിക്ക് പോസ്റ്റല് ബാലറ്റുകളോടെ വോട്ടെണ്ണല് ആരംഭിച്ചു. രണ്ട് സംസ്ഥാനങ്ങളിലും ഒരു ടീമായി പോരാടുന്ന എന്ഡിഎ മികച്ച ലീഡ് നേടിയതിന് ശേഷം മഹാരാഷ്ട്ര നിലനിര്ത്താന് ഒരുങ്ങുകയാണ്. ഝാര്ഖണ്ഡില് ഇന്ത്യാ ബ്ലോക്ക് പകുതി പിന്നിട്ടു, സംസ്ഥാനത്ത് വിജയിക്കാന് സാധ്യതയുണ്ട്.
216 വോട്ടിന്റെ ലീഡുമായി മഹാരാഷ്ട്രയില് എന്ഡിഎ ആണ് മുന്നില് നില്ക്കുന്നത്. പ്രതിപക്ഷ നേതാവ് വിജയ് വഡേത്തിവാര്, മുതിര്ന്ന നേതാവ് ബാലസാഹേബ് തോറാട്ട് എന്നിവര് പിന്നിലാണ്. മുംബൈയിലെ ബിജെപി ആസ്ഥാനത്ത് ഇതേസമയം ലഡു എത്തിച്ച് വിജയാഘോഷം ആരംഭിച്ചുകഴിഞ്ഞു. മഹാ വികാസ് അഖാഡി 70 സീറ്റുകളില് മാത്രമാണ് ലീഡ് ചെയ്യുന്നത്.
അതേസമയം, 81 സീറ്റുകളില് മത്സരം നടക്കുന്ന ഝാര്ഖണ്ഡില് ഇന്ത്യ സഖ്യം കേവലഭൂരിപക്ഷം കടന്നു 52 സീറ്റില് ലീഡ് തുടരുകയാണ് ഇന്ത്യ സഖ്യം. 29 വോട്ട് ലീഡാണ് എന്ഡിഎയ്ക്ക് ഉള്ളത്. പ്രമുഖ നേതാക്കളെല്ലാം ആദ്യ ഘട്ടത്തില് ലീഡ് നേടി. മുഖ്യമന്ത്രി ഹേമന്ത് സോറന്, ഭാര്യ കല്പന സോറന്, മുന് മുഖ്യമന്ത്രിയും ബിജെപി നേതാവുമായ ചംപയ് സോറന് എന്നിവര് മുന്നിലാണ്. ബിജെപി സംസ്ഥാന അധ്യക്ഷന് ബാബുലാല് മറാന്ഡി ധന്വാറില് പിന്നിലായി. നഗരങ്ങളിലും ചെറുനഗരങ്ങളിലും മുന്തൂക്കം എന്ഡിഎയ്ക്കാണ്.
