ന്യൂഡല്ഹി: ‘ഒരു രാജ്യം, ഒരു തിരഞ്ഞെടുപ്പ്’ ബില് ലോക്സഭയില് അവതരിപ്പിച്ചു. ലോക്സഭയിലേക്കും സംസ്ഥാന നിയമസഭകളിലേക്കും തദ്ദേശസ്വയംഭരണ സ്ഥാപനങ്ങളിലേക്കും ഒരേസമയം തിരഞ്ഞെടുപ്പ് നടത്താനാണ് നിര്ദേശം. ഡിസംബര് 12 ന് പ്രധാനമന്ത്രി നരേന്ദ്ര മോദിയുടെ നേതൃത്വത്തിലുള്ള കേന്ദ്ര മന്ത്രിസഭ ഈ നിര്ദ്ദേശത്തിന് അംഗീകാരം നല്കി. ലോക്സഭാ, സംസ്ഥാന നിയമസഭാ തിരഞ്ഞെടുപ്പുകള് ഒരേസമയം നടത്തുന്നതിനുള്ള വ്യവസ്ഥകള് സ്ഥാപിക്കുന്നതിനാണ് ഭരണഘടനാ ഭേദഗതി ബില് ലക്ഷ്യമിടുന്നത്.
കേന്ദ്ര നിയമ മന്ത്രി അര്ജുന് റാം മേഘ്വാളാണ് എട്ട് പേജുകളുള്ള ബില്ല് അവതരിപ്പിച്ചത്. ബില്ല് വിശദ വിശകലനത്തിനായി ജോയിന്റ് കമ്മിറ്റിക്ക് കൈമാറും. ബില്ല് തിങ്കളാഴ്ച അവതരിപ്പിക്കുമെന്നായിരുന്നു നേരത്തെ അറിയിച്ചിരുന്നത്. പിന്നീട് മാറ്റുകയായിരുന്നു. എന്നാല് ശക്തമായ വിമര്ശനമാണ്
ബില്ലിനെതിരെ പ്രതിപക്ഷ പാര്ട്ടികള് ഉന്നയിച്ചത്. ബില്ല് ഭരണഘടനാ വിരുദ്ധമാണെന്നും അടിസ്ഥാന ഘടനയ്ക്ക് വിരുദ്ധമാണ് ഒരു രാജ്യം ഒരു തെരഞ്ഞെടുപ്പ് നയമെന്ന് ചൂണ്ടിക്കാട്ടിയ കോണ്ഗ്രസ് ബില്ലിനെ പൂര്ണമായും എതിര്ക്കുന്നുവെന്നും വ്യക്തമാക്കി.
