കലബുറഗി: ഗൗതം അദാനിയുടെ ഉടമസ്ഥതയിലുള്ള സിമന്റ് കമ്പനി എസിസിയിലെ എന്ജിനീയര് (45) കമ്പനി മാനേജ്മെന്റ് ഉദ്യോഗസ്ഥരുടെ മാനസിക പീഡനത്തെത്തുടര്ന്ന് ആത്മഹത്യ ചെയ്തു. വാദിയിലെ എസിസി കോളനിയിലെ താമസക്കാരനും ചിറ്റാപൂര് നിയോജക മണ്ഡലത്തിലെ മുന് ബിജെപി എംഎല്എയുമായ വാല്മീകി നായക്കിന്റെ മരുമകനുമായ രമേഷ് പവാറാണ് മരിച്ചത്.
ഗസ്റ്റ് ഹൗസിലാണ് പവാറിനെ ആത്മഹത്യ ചെയ്ത നിലയില് കണ്ടെത്തിയത്. ആത്മഹത്യ ചെയ്യുന്നതിന് മുമ്പ് പവാര് ഒരു വീഡിയോ റെക്കോര്ഡു ചെയ്തിരുന്നു. തന്റെ കമ്പനിയിലെ ഉദ്യോഗസ്ഥര് തൂങ്ങിമരിക്കാന് തന്നെ നയിച്ചുവെന്നാണ് വീഡിയോയില് പറയുന്നത്. ചിറ്റാപൂര് നിയമസഭാംഗവും സംസ്ഥാന സര്ക്കാര് മന്ത്രിയുമായ പ്രിയങ്ക് ഖാര്ഗെയോട് തന്റെ കുടുംബത്തിന് നീതി ഉറപ്പാക്കാന് ബന്ധപ്പെട്ട അധികാരികളോട് അദ്ദേഹം അഭ്യര്ത്ഥിക്കുകയും വീഡിയോയില് ചെയ്തിട്ടുണ്ട്.
