ക്രിക്കറ്റ് അക്കാദമി ഇടപാടില് ആര്ക്ക സ്പോര്ട്സ് മാനേജ്മെന്റിലെ രണ്ട് ഉദ്യോഗസ്ഥര്ക്കെതിരെ ക്രിക്കറ്റ് താരം മഹേന്ദ്ര സിംഗ് ധോണി റാഞ്ചിയില് ക്രിമിനല് കേസ് ഫയല് ചെയ്തു. മിഹിര് ദിവാകര്, സൗമ്യ വിശ്വാസ് എന്നിവര്ക്കെതിരെയാണ് കേസെടുത്തിരിക്കുന്നത്. ആഗോളതലത്തില് ക്രിക്കറ്റ് അക്കാദമി നടത്തുന്നതിന് 2017ല് ധോണിയുമായി ദിവാകര് കരാര് ഒപ്പിട്ടിരുന്നുവെങ്കിലും കരാറില് പറഞ്ഞിരിക്കുന്ന വ്യവസ്ഥകള് പാലിച്ചില്ല. ആര്ക്ക സ്പോര്ട്സ് തങ്ങളെ കബളിപ്പിക്കുകയും വഞ്ചിക്കുകയും ചെയ്തെന്നും 15 കോടിയിലധികം നഷ്ടമുണ്ടായെന്നും വിധി അസോസിയേറ്റ്സ് മുഖേന ധോണിയെ പ്രതിനിധീകരിച്ച് ദയാനന്ദ് സിംഗ് പറഞ്ഞു.
ഉടമ്പടിയുടെ നിബന്ധനകള് അനുസരിച്ച് ഒരു ഫ്രാഞ്ചൈസി ഫീ നല്കാനും ലാഭം പങ്കിടാനും ആര്ക്ക സ്പോര്ട്സ് ബാധ്യസ്ഥനായിരുന്നു, അവ പാലിക്കപ്പെട്ടില്ല. ഒരുപാട് തവണ ഓര്മ്മപ്പെടുത്തലുകള് ഉണ്ടായിരുന്നിട്ടും, കരാറില് വ്യക്തമാക്കിയ നിബന്ധനകളും വ്യവസ്ഥകളും അവഗണിച്ചതായി ആരോപിക്കപ്പെടുന്നു. 2021 ഓഗസ്റ്റ് 15-ന് സ്ഥാപനത്തിന് അനുവദിച്ച അധികാരപത്രം പിന്വലിക്കാന് ധോണിയെ പ്രേരിപ്പിച്ചു. ധോണി നിരവധി നിയമപരമായ നോട്ടീസുകളും അയച്ചെങ്കിലും ഫലമുണ്ടായില്ല.
