കോഴിക്കോട് ഇരുപത്തിയെട്ടുകാരനായ യുവാവ് 15 വയസ്സുകാരിയെ വിവാഹം ചെയ്തതായി പോലീസ് റിപ്പോര്ട്ട്. ബാലവിവാഹത്തിനെതിരെ പോലീസ് കേസെടുത്തു. തമിഴ്നാട് സ്വദേശിനിയായ പെണ്കുട്ടിയുമായാണ് വിവാഹം നടന്നത്. കുട്ടിയെ ജുവനൈല് ഹോമിലേക്ക് മാറ്റി. കുട്ടിയുടെ മൊഴിയുടെ അടിസ്ഥാനത്തില് എലത്തൂര് പൊലീസ് എഫ്ഐആര് രജിസ്റ്റര് ചെയ്തു.
കോഴിക്കോട് വെസ്റ്റ് ഹില്ലില് ഒരുമിച്ച് താമസിക്കുകയായിരുന്ന ഇരുപത്തിയെട്ടുകാരനായ യുവാവും പെണ്കുട്ടിയുമാണ് ബാലവിവാഹം കഴിച്ചതായി പൊലീസ് കണ്ടെത്തിയത്. പോലീസിന് ലഭിച്ച രഹസ്യവിവരത്തിന്റെ അടിസ്ഥാനത്തിലാണ് അന്വേഷണം നടത്തിയത്.
അന്വേഷണത്തില് പൊലീസ് ഇവരെ കണ്ടെത്തുകയും 15കാരിയായ പെണ്കുട്ടിയെ ജുവനൈല് ഹോമിലേക്ക് മാറ്റുകയും ചെയ്തു. അതേസമയം എന്നാണ് വിവാഹം നടന്നതെന്നോ എവിടെ വച്ചാണെന്നോ വ്യക്തമല്ല. പൊലീസ് അന്വേഷണം പുരോഗമിക്കുകയാണ്.
