കേരള സംസ്ഥാന ചലച്ചിത്ര അക്കാദമി 2024 ജൂലൈ 26 മുതല് 31 വരെ തിരുവനന്തപുരം കൈരളി, ശ്രീ, നിള തിയേറ്ററുകളിലായി സംഘടിപ്പിക്കുന്ന 16-ാമത് രാജ്യാന്തര ഡോക്യുമെന്ററി, ഹ്രസ്വചിത്രമേള (ഐ.ഡി.എസ്.എഫ്.എഫ്.കെ)യില് പങ്കെടുക്കുന്നതിനുള്ള ഓണ്ലൈന് ഡെലിഗേറ്റ് രജിസ്ട്രേഷന് ജൂലൈ 16 ന് രാവിലെ 10 മണിക്ക് ആരംഭിക്കും. www.idsffk.in എന്ന വെബ്സൈറ്റ് മുഖേന ഓണ്ലൈന് ഡെലിഗേറ്റ് രജിസ്ട്രേഷന് നടത്താവുന്നതാണ്.
പൊതു വിഭാഗത്തിന് ജി.എസ്.റ്റി ഉള്പ്പെടെ 590 രൂപയും വിദ്യാര്ത്ഥികള്ക്ക് 354 രൂപയുമാണ് ഡെലിഗേറ്റ് ഫീസ്.ജൂലൈ 16 ന് രാവിലെ മുതല് കൈരളി തിയേറ്ററില് സജ്ജീകരിച്ചിരിക്കുന്ന ഡെലിഗേറ്റ് സെല് മുഖേന ഓഫ് ലൈന് രജിസ്ട്രേഷന് നടത്താവുന്നതാണ്. ആറു ദിവസങ്ങളിലായി നടക്കുന്ന മേളയില് ഡോക്യുമെന്ററി, ഹ്രസ്വചിത്ര വിഭാഗങ്ങളിലായി 300 ലധികം ചിത്രങ്ങള് പ്രദര്ശിപ്പിക്കും.
