തിരുവനന്തപുരം: യുവതിയുടെ പീഡന പരാതിയില് ബ്രോ ഡാഡി അസിസ്റ്റന്റ് ഡയറക്ടര് മന്സൂര് റഷീദ് അറസ്റ്റില്. കഴിഞ്ഞ ദിവസം ഹൈദരാബാദിലെ കുക്കട്പള്ളി കോടതിയില് മന്സൂര് കീഴടങ്ങുകയായിരുന്നു. ഇയാളെ 14 ദിവസത്തേക്ക് റിമാന്ഡ് ചെയ്തു. പൃഥ്വിരാജ് സംവിധാനം ചെയ്ത ബ്രോ ഡാഡി സിനിമയുടെ ഷൂട്ടിങ്ങിനിടെ ഹൈദരാബാദില് വച്ചാണ് പീഡനം നടന്നത്. കോള തന്ന് മയക്കി പീഡനത്തിന് ഇരയാക്കി എന്നാണ് യുവതിയുടെ പരാതി.
നിലവില് സംഗറെഡ്ഡി ജില്ലയിലെ കണ്ടി ജയിലില് ആണ് മന്സൂര് റഷീദ് ഉള്ളത്. മന്സൂറിന്റെ ജാമ്യാപേക്ഷയെ എതിര്ക്കുമെന്ന് ഗച്ചിബൗളി പൊലിസ് അറിയിച്ചിട്ടുണ്ട്. കുക്കട്പള്ളി കോടതിയും തെലങ്കാന ഹൈക്കോടതിയും മുന്കൂര് ജാമ്യം നിഷേധിച്ചതിനെ തുടര്ന്ന് മന്സൂര് റഷീദ് ഒളിവില് ആയിരുന്നു.
