കല്പ്പറ്റ: വയനാട്ടില് തുടര്ക്കഥയാവുന്ന വന്യജീവി അക്രമണത്തെ തുടര്ന്ന് സിസിഎഫ് ചുമതലയേറ്റു. ഈസ്റ്റേണ് സര്ക്കിള് സിസിഎഫ് കെ വിജയാനന്ദിനാണ് ചുമതല. വാര് റൂം ഉള്പ്പെടെ വൈകാതെ സജ്ജമാക്കും. സവിശേഷ അധികാരമുള്ള ഓഫീസറായിരിക്കും വയനാട് സിസിഎഫ്.
അതേ സമയം, മാനന്തവാടി നോര്ത്ത് ഡിഎഫ്ഒ ഓഫീസ് ക്യാമ്പാണ് താത്കാലിക ഓഫീസാക്കിയിരിക്കുന്നത്. മുഖ്യമന്ത്രിയുടെ നേതൃത്വത്തില് ചേര്ന്ന വയനാട്ടിലെ ജനപ്രതിനിധികളുടെ യോഗത്തിലായിരുന്നു തീരുമാനം. സിസിഎഫിന് കൂടുതല് അധികാരം നല്കാന് സംസ്ഥാന സര്ക്കാര് കേന്ദ്രത്തെ സമീപിക്കാനും തീരുമാനിച്ചിരുന്നു.
