തിരുവനന്തപുരം: സംസ്ഥാനത്ത് മഴ മുന്നറിയിപ്പില് മാറ്റം. തെക്കന് മധ്യ ജില്ലകളില് മഴ തുടരുമെന്നാണ് പുതിയ മുന്നറിയിപ്പ്. തിരുവനന്തപുരം മുതല് ഇടുക്കി വരെയുള്ള ഏഴ് ജില്ലകളില് യെല്ലോ അലേര്ട്ട് പ്രഖ്യാപിച്ചു.
തിരുവനന്തപുരം, കൊല്ലം, പത്തനംതിട്ട, കോട്ടയം, ആലപ്പുഴ, എറണാകുളം, ഇടുക്കി ജില്ലകളിലാണ് യെല്ലോ അലേര്ട്ട് പ്രഖ്യാപിച്ചിരിക്കുന്നത്. നാളെ പത്തനംതിട്ട, ആലപ്പുഴ, കോട്ടയം, എറണാകുളം ജില്ലകളില് യെല്ലോ അലേര്ട്ടുണ്ട്. 27, 28 തീയതികളില് ആലപ്പുഴ, എറണാകുളം ജില്ലകളില് യെല്ലോ അലേര്ട്ടാണ്. 29നും തിരുവനന്തപുരം, കൊല്ലം, പത്തനംതിട്ട, കോട്ടയം, ആലപ്പുഴ, എറണാകുളം, ഇടുക്കി ജില്ലകളില് യെല്ലോ അലേര്ട്ടാണ്.
തെക്കന് കേരളത്തിന് മുകളില് ചക്രവാത ചുഴി നിലനില്ക്കുന്നു. ഇതിന്റെ ഭാഗമാണ് ശക്തമായ മഴയ്ക്ക് സാധ്യതയുള്ളതെന്നാണ് മുന്നറിയിപ്പ്. മധ്യകിഴക്കന് ബംഗാള് ഉള്ക്കടലിലെ തീവ്ര ന്യൂന മര്ദം അതിതീവ്ര ന്യൂനമര്ദ്ദമായി ശക്തി പ്രാപിച്ചിട്ടുണ്ട്. രാത്രിയോടെ ഇത് വീണ്ടും ശക്തി പ്രാപിച്ച് ചുഴലിക്കാറ്റായി മാറാന് സാധ്യതയുണ്ട്.
