കുവൈറ്റ്: കുവൈറ്റിലെ മംഗഫ് നഗരത്തില് കെട്ടിടത്തിലുണ്ടായ തീപിടിത്തത്തില് മരിച്ചവരില് 21 ഇന്ത്യക്കാര്. 11 പേര് മലയാളികളാണ്. ഇതില് ഒരാള് കൊല്ലം സ്വദേശിയാണ്. 46 ഇന്ത്യക്കാരാണ് ചികിത്സയിലുള്ളത്. കേരളത്തില് നിന്നും തമിഴ്നാട്ടില് നിന്നുമുള്ള തൊഴിലാളികള് ഉള്പ്പെടെ 195 ഓളം തൊഴിലാളികളാണ് കെട്ടിടത്തില് താമസിച്ചിരുന്നത്. മരണത്തില് പ്രധാനമന്ത്രി നരേന്ദ്ര മോദി അനുശോചനം രേഖപ്പെടുത്തുകയും ഇന്ത്യന് എംബസി സ്ഥിതിഗതികള് സൂക്ഷ്മമായി നിരീക്ഷിക്കുകയും ദുരിതബാധിതരെ സഹായിക്കാന് അവിടത്തെ അധികാരികളുമായി സഹകരിച്ച് പ്രവര്ത്തിക്കുകയും ചെയ്യുന്നുവെന്നും പറഞ്ഞു.
മലയാളി വ്യവസായി കെജി എബ്രഹാമിന്റെ ഉടമസ്ഥതയിലുള്ള എന്ബിടിസി ഗ്രൂപ്പിന്റേതാണ് കെട്ടിടമെന്നാണ് വിവരം. മരിച്ച 40 പേരില് 21 പേരുടെ വിവരങ്ങള് ലഭ്യമായി. ഷിബു വര്ഗീസ്, തോമസ് ജോസഫ്, പ്രവീണ് മാധവ് സിംഗ്, ഷമീര്, ലൂക്കോസ് വടക്കോട്ട് ഉണ്ണുണ്ണി, ഭുനാഫ് റിച്ചാര്ഡ് റോയ് ആനന്ദ, കേളു പൊന്മലേരി, സ്റ്റെഫിന് എബ്രഹാം സാബു, അനില് ഗിരി, മുഹമ്മദ് ഷെരീഫ് ഷെരീഫ, സാജു വര്ഗീസ്, ദ്വാരികേഷ് പട്ടനായക്, മുരളീധരന് പി.വി , വിശ്വാസ് കൃഷ്ണന്, അരുണ് ബാബു, സാജന് ജോര്ജ്, രഞ്ജിത്ത് കുണ്ടടുക്കം, റെയ്മണ്ട് മഗ്പന്തയ് ഗഹോല്, ജീസസ് ഒലിവറോസ് ലോപ്സ്, ആകാശ് ശശിധരന് നായര്, ഡെന്നി ബേബി കരുണാകരന് എന്നിവരാണ് മരിച്ചത്.
