സുല്ത്താന് ബത്തേരി: വയനാട് ഉപതിരഞ്ഞെടുപ്പില് മൂന്ന് ലക്ഷത്തിലേറെ ഭൂരിപക്ഷത്തില് വിജയിച്ച പ്രിയങ്ക ഗാന്ധി നാളെ വയനാടിന്റെ മണ്ണിലെത്തും. തെരഞ്ഞെടുപ്പ് ഫലം വന്നതിന് ശേഷം ആദ്യമായാണ് പ്രിയങ്ക വയനാട്ടിലെത്തുന്നത്. രണ്ട് ദിവസത്തേക്ക് ആണ് പ്രിയങ്കയുടെ സന്ദര്ശനം. ഇന്ന് മലപ്പുറം ജില്ലയിലെ സ്ഥലങ്ങളിലായിരിക്കും പ്രിയങ്ക സന്ദര്ശനം നടത്തുന്നത്.
നാളെ വയനാട് ജില്ലയിലും സന്ദര്ശനം നടത്തും. രാവിലെ 12 മണിക്ക് പ്രതിപക്ഷ നേതാവ് രാഹുല് ഗാന്ധിക്ക് ഒപ്പം മുക്കം, തിരുവമ്പാടി എന്നിവിടങ്ങളിലെ സ്വീകരണ പരിപാടികളില് പ്രിയങ്ക പങ്കെടുക്കും. മലപ്പുറം ജില്ലയില് കരുളായി, വണ്ടൂര്, എടവണ്ണ എന്നിവിടങ്ങളിലെ സ്വീകരണത്തിലും പൊതുസമ്മേളനത്തിലും പ്രിയങ്ക ഗാന്ധി പങ്കെടുക്കും.
ഉപതെരഞ്ഞെടുപ്പില് വന് ജയത്തിന് പിന്നാലെ വയനാട്ടിലെ വോട്ടര്മാര്ക്ക് പ്രിയങ്ക നന്ദി അറിയിച്ചിരുന്നു. വയനാടിന്റെ ക്ഷേമത്തിനായി പ്രവര്ത്തിക്കുമെന്നും തന്നെ ജയിപ്പിച്ച വോട്ടമാരുടെ തീരുമാനം തെറ്റില്ലെന്ന് വൈകാതെ ബോധ്യപ്പെടുമെന്നും പ്രിയങ്ക പറഞ്ഞിരുന്നു.
