വണ്ടിപ്പെരിയാറില് ബലാത്സംഗത്തിനിരയായി കൊല്ലപ്പെട്ട പെണ്കുട്ടിയുടെ അച്ഛനും മുത്തശ്ശനും കുത്തേറ്റു. വണ്ടിപ്പെരിയാര് ടൗണില്വച്ചാണ് കുത്തേറ്റത്. കേസില് കുറ്റവിമുക്തനാക്കപ്പെട്ട അര്ജ്ജുന്റെ ബന്ധുവാണ് കുത്തിയത്.
കോടതി വിട്ടയച്ച കേസിലെ പ്രതി അര്ജുന്റെ ബന്ധുവാണ് കുത്തിയത്. ഇന്ന് രാവിലെ പതിനൊന്നുമണിയോടയാണ് സംഭവം. പെണ്കുട്ടിയുടെ പിതാവും അര്ജുന്റെ ബന്ധുവുമായ പാല്രാജും തമ്മില് വണ്ടിപ്പെരിയാര് ടൗണില് വച്ച് വാക്കേറ്റം ഉണ്ടാകുകയും പിന്നീട് സംഘര്ഷത്തിലേക്ക് മാറുകയുമായിരുന്നു. ഇതിനിടെ പാല്രാജ് പെണ്കുട്ടിയുടെ പിതാവിനെ കുത്തുകയായിരുന്നു. പരിക്കേറ്റ ഇയാളെ ആശുപത്രിയിലേക്ക് മാറ്റി. പരിക്ക് ഗുരുതരമല്ലെന്നാണ് റിപ്പോര്ട്ടുകള്.
പ്രതി പാല്രാജിനെ പൊലീസ് കസ്റ്റഡിയിലെടുത്തു. കേസില് പ്രതിയെ കോടതി വെറുതെ വിട്ടതിന് പിന്നാലെ പെണ്കുട്ടിയുടെവീട്ടുകാര് അര്ജുന്റെ ബന്ധുക്കളെ നിരന്തരം ഭീഷണിപ്പെടുത്തിയിരുന്നു. അർജുന്റെ ബന്ധുക്കൾ ഇതിനിടെ പൊലീസ് സംരക്ഷണം തേടിയതും വാർത്തയായിരുന്നു. ഭീഷണി ഉയർന്നതിനെ തുടർന്ന് പാൽരാജ് ഉൾപ്പെടെയുള്ള അർജുന്റെ ബന്ധുക്കൾക്കു വീടുകളിൽ നിന്ന് മാറിത്താമസിക്കേണ്ടിയും വന്നിരുന്നു.
