ഉത്തരകാശി: അവശിഷ്ടങ്ങള്ക്കിടയില് കുടുങ്ങിയ തൊഴിലാളികള്ക്ക് രക്ഷപ്പെടാനുള്ള അവസാന പൈപ്പുമായി രക്ഷാപ്രവര്ത്തനം അവസാനഘട്ടത്തിലേക്ക്. കുടുങ്ങിക്കിടക്കുന്ന 41 തൊഴിലാളികളെ പുറത്തെടുത്ത ശേഷം അവര്ക്ക് അടിയന്തര വൈദ്യസഹായം നല്കാനുള്ള എല്ലാ ക്രമീകരണങ്ങളും ചെയ്തിട്ടുണ്ടെന്ന് അധികൃതര് അറിയിച്ചു. അവസാന പൈപ്പ് ഇടുകയാണ്, സൈറ്റില് ജോലി ചെയ്യുന്ന ഒരു ഇലക്ട്രീഷ്യന് പറഞ്ഞു.
അവശിഷ്ടങ്ങള്ക്കിടയിലൂടെ 800 എംഎം വ്യാസമുള്ള സ്റ്റീല് പൈപ്പുകള് തുരന്നതിന് ബുധനാഴ്ച വൈകിട്ടോടെ ചില ഇരുമ്പ് ദണ്ഡുകള് ഓഗര് മെഷീന്റെ വഴിയില് വന്നതോടെ ചെറിയ തടസ്സമുണ്ടായി. ചിന്യാലിസൗറിലെ കമ്മ്യൂണിറ്റി ഹെല്ത്ത് സെന്ററില് 41 കിടക്കകളുള്ള പ്രത്യേക വാര്ഡ് തയ്യാറാക്കിയിട്ടുണ്ട്, 41 ആംബുലന്സുകള് തുരങ്കത്തിന് പുറത്ത് സജ്ജീകരിച്ചിട്ടുണ്ട്.
