ഭോപ്പാല്: മധ്യപ്രദേശ് മുഖ്യമന്ത്രിയായി മോഹന് യാദവ് ഇന്ന് സത്യപ്രതിജ്ഞ ചെയ്യും. ചടങ്ങില് പ്രധാനമന്ത്രി നരേന്ദ്ര മോദി, കേന്ദ്ര ആഭ്യന്തര മന്ത്രി അമിത് ഷാ, ബിജെപി ഭരിക്കുന്ന സംസ്ഥാനങ്ങളിലെ മുഖ്യമന്ത്രിമാര് ഉള്പ്പെടെയുള്ളവര് പങ്കെടുക്കും. കൂടാതെ, രണ്ട് ഉപമുഖ്യമന്ത്രിമാരായ രാജേന്ദ്ര ശുക്ല, ജഗദീഷ് ദേവ്ദ എന്നിവര് യാദവിനൊപ്പം സത്യപ്രതിജ്ഞ ചെയ്യും.
ഭോപ്പാലിലെ ലാല് പരേഡ് ഗ്രൗണ്ടില് രാവിലെ 11.30 ന് നടക്കുന്ന സത്യപ്രതിജ്ഞാ ചടങ്ങിന് വിപുലമായ ക്രമീകരണങ്ങള് ഒരുക്കിയിട്ടുണ്ടെന്ന് ശര്മ്മയും സ്ഥാനമൊഴിയുന്ന മുഖ്യമന്ത്രി ശിവരാജ് സിംഗ് ചൗഹാനും ചടങ്ങിന്റെ ഒരുക്കങ്ങള് അവലോകനം ചെയ്ത ശേഷം മാധ്യമപ്രവര്ത്തകരോട് പറഞ്ഞു. സത്യപ്രതിജ്ഞാ ചടങ്ങിനുള്ള എല്ലാ ഒരുക്കങ്ങളും നടത്തി നോക്കേണ്ടത് തന്റെ കടമയാണെന്നും ചൗഹാന് പറഞ്ഞു.
ഉത്തര്പ്രദേശ് മുഖ്യമന്ത്രി യോഗി ആദിത്യനാഥ്, കേന്ദ്രമന്ത്രി ജ്യോതിരാദിത്യ സിന്ധ്യ എന്നിവരും ചടങ്ങില് പങ്കെടുക്കുമെന്ന് ബിജെപി വക്താവ് അറിയിച്ചു. വലിയൊരു വിഭാഗം ഭാരതീയ ജനതാ പാര്ട്ടി പ്രവര്ത്തകരും, പ്രത്യേകിച്ച് യാദവിന്റെ ജന്മനാടായ ഉജ്ജയിനില് നിന്നുള്ളവരും ചടങ്ങില് പങ്കെടുക്കുമെന്ന് പ്രതീക്ഷിക്കുന്നതായി പാര്ട്ടി വൃത്തങ്ങള് അറിയിച്ചു.
ദിവസങ്ങളുടെ സസ്പെന്സ് അവസാനിപ്പിച്ച് തിങ്കളാഴ്ച ബി.ജെ.പി യാദവിനെ സംസ്ഥാനത്തിന്റെ പുതിയ മുഖ്യമന്ത്രിയായി തിരഞ്ഞെടുത്തു.
