ഹേമകമ്മിറ്റി റിപ്പോര്ട്ടിലെ പേരുകള് പുറത്തുവിടണമെന്ന് നടി ശ്രീയ രമേശ്. ഇന്ഡസ്ട്രിയെ മൊത്തത്തില് ബാധിക്കുന്ന ഒരു കാര്പ്പെറ്റ് ബോംബിംഗ് പോലെയാണ് ഹേമ കമ്മിറ്റി റിപ്പോര്ട്ട്. ആയിരക്കണക്കിന് പേരാണ് സിനിമ മേഖലയില് ജോലി ചെയ്യുന്നത്. അവര് നമ്മുടെ സൊസൈറ്റിയുടെ ഭാഗവുമാണ്. ഏതാനും ചിലര് പ്രശ്നക്കാരായിട്ട് ഉണ്ടെങ്കില് ആ പേരില് ഇന്റസ്ട്രിയെ മൊത്തം അധിക്ഷേപിക്കുന്നത് ശരിയല്ലെന്നും നടി ഫേസ്ബുക്കില് കുറിച്ചു.
മലയാളിയുടെ ലൈംഗിക ദാരിദ്ര്യത്തിലേക്ക് വീണു കിട്ടിയ വലിയ ഒരു മസാലപ്പൊതിയായി മാറിയിരിക്കുന്നു ജസ്റ്റിസ് ഹേമ കമ്മീഷന് റിപ്പോര്ട്ട് എന്ന് ഞാന് ആശങ്കപ്പെടുന്നു. സ്പെസിഫിക്ക് അല്ലാതെ സകലരെയും ബാധിക്കുന്ന ഒരു കാര്പ്പെറ്റ് ബോംബിംഗ് പോലെ ആയി അത് എന്നും ഫേസ്ബുക്കില് കുറിക്കുന്നു. മൊത്തം ആളുകളെയും ചെളിവാരി എറിയുവാന് കടുത്ത ലൈംഗിക ദാരിദ്ര്യവും അത് സൃഷ്ടിക്കുന്ന വൈകൃത മനസ്സുകള്ക്ക് സംതൃപ്തിയേകുന്ന വാര്ത്തകള്ക്ക് അവസരം നല്കരുതായിരുന്നു. സിനിമാ ഇന്റസ്ട്രിയില് വളരെ മാന്യമായി ജീവിക്കുന്നവര്ക്ക് നേരെ സൈബര് ഇടത്തില് അപഖ്യാതി പ്രചരിപ്പിക്കുന്ന വര്ക്ക് എതിരെ ശക്തമായ നടപടി എടുക്കുവാന് അഭ്യര്ത്ഥിക്കുന്നുവെന്നും നടി ഫേസ്ബുക്കില് കുറിച്ചു.
