നെഞ്ചില് അണുബാധയുണ്ടായതിനെ തുടര്ന്ന് സിനിമാ ചിത്രീകരണത്തിനിടെ യുവ ഛായാഗ്രാഹക കെ ആര് കൃഷ്ണ (30) അന്തരിച്ചു. ശ്രീനഗറില് വെച്ചായിരുന്നു മരണം. സംവിധായകന് ശൈലേഷ് കോലാനു സംവിധാനം ചെയ്യുന്ന തെലുങ്ക് ചിത്രമായ ‘ഹിറ്റ്’ എന്ന സീരീസിലെ മൂന്നാം ഭാഗത്തിന്റെ ചിത്രീകരണത്തിലായിരുന്നു കൃഷ്ണ.
മലയാളി സംവിധായകനും ഛായാഗ്രാഹകനുമായ സാനു വര്ഗീസാണ് ചിത്രത്തിന്റെ ക്യാമറ കൈകാര്യം ചെയ്യുന്നത്. അദ്ദേഹത്തിന്റെ അസോസിയേറ്റായി പ്രവര്ത്തിക്കുകയായിരുന്നു കൃഷ്ണ. രാജസ്ഥാന്, അരുണാചല് പ്രദേശ് എന്നിവിടങ്ങളിലെ ഷൂട്ടിങ്ങിനു ശേഷം ജമ്മു കശ്മീരില് ഷൂട്ടിങ് പുരോഗമിച്ചുകൊണ്ടിരിക്കെയാണ് കൃഷ്ണ അസുഖബാധിതയാകുന്നത്. മലയാളത്തില് ഒട്ടേറെ ചിത്രങ്ങളില് ഛായാഗ്രാഹക സഹായിയായി പ്രവര്ത്തിച്ചിട്ടുള്ള കൃഷ്ണ ഇടക്കാലത്ത് സ്വതന്ത്ര ഛായാഗ്രാഹകയായും ജോലി ചെയ്തിട്ടുണ്ട്.
