ആയുര്വേദ ചികിത്സയ്ക്കായി പ്രത്യേക വെല്നസ് കേന്ദ്രങ്ങള് ആരംഭിക്കുമെന്ന് ആരോഗ്യ വകുപ്പ് മന്ത്രി വീണാ ജോര്ജ്. വിദേശികള്ക്ക് അടക്കം അടിസ്ഥാന സൗകര്യങ്ങള് ഒരുക്കിയിട്ടുള്ള വെല്നസ് കേന്ദ്രങ്ങളാണ് വരുന്നത്. അതിന് വേണ്ടിയുള്ള അടിസ്ഥാന സൗകര്യ വികസനവും പ്രവര്ത്തനങ്ങളും തുടങ്ങിയിട്ടുണ്ട്. കൂടാതെ, ജീവനക്കാര്ക്ക് പ്രത്യേക പരിശീലനം നല്കുമെന്നും മന്ത്രി വ്യക്തമാക്കി.
ആരോഗ്യ സംരക്ഷണം, രോഗ പ്രതിരോധം, രോഗ നിര്മാര്ജനം എന്നിവയ്ക്കാണ് ഈ കാലഘട്ടത്തില് ആരോഗ്യ മേഖല ഏറ്റവും പ്രാധാന്യം നല്കുന്നത്. നവകേരളം കര്മ്മപദ്ധതി ആര്ദ്രം രണ്ടിന്റെ ഭാഗമായുള്ള 10 പ്രധാന പദ്ധതികളില് ജീവിതശൈലീ രോഗ പ്രതിരോധം, കാന്സര് കെയര് പ്രോഗ്രാം, ഹെല്ത്തി ലൈഫ് കാമ്പയിന് എന്നിവയ്ക്ക് പ്രാധാന്യം നല്കിക്കൊണ്ടാണ് കര്മ്മ പദ്ധതികള് ആവിഷ്ക്കരിച്ചത്.
