കൊച്ചി: യുവാവിന്റെ കഴുത്തില് കയര് കുരുങ്ങി മരണം. പ്രധാനമന്ത്രിയുടെ സുരക്ഷക്കായി റോഡിന് കുറുകെ കെട്ടിയ കയര് കഴുത്തില് കുരുങ്ങിയാണ് മരിച്ചത്. സ്കൂട്ടര് യാത്രികനായ കൊച്ചി വടുതല സ്വദേശി മനോജ് ഉണ്ണിയാണ് മരിച്ചത്.
പ്രധാനമന്ത്രിയുടെ സുരക്ഷയ്ക്കായി ക്രമീകരിച്ച വടം മനോജ് ഉണ്ണിയുടെ കഴുത്തില് കുടുങ്ങിയതോടെ റോഡില് തലയടിച്ചു വീഴുകയായിരുന്നു. മനോജിനെ ആശുപത്രിയില് എത്തിച്ചെങ്കിലും മരണം സംഭവിക്കുകയായിരുന്നു. ഇന്നലെ രാത്രി 10 മണിയോടെയാണ് അപകടം.
എസ്എ റോഡില് നിന്ന് വന്ന് എംജി റോഡിലേക്ക് കയറുന്ന ഭാഗത്താണ് കയര് കെട്ടിയിരുന്നത്. എന്നാല് തങ്ങള് കൈ കാണിച്ചിട്ടും നിര്ത്താതെ മുന്നോട്ട് പോയപ്പോഴാണ് മനോജ് ഉണ്ണി അപകടത്തില് പെട്ടതെന്നാണ് പൊലീസ് പറയുന്നത്. പൊലീസുകാര് മനോജ് ഉണ്ണിയെ ആശുപത്രിയില് ചികിത്സയിലിരിക്കെ രാത്രി ഒന്നരയോടെയാണ് മരിച്ചത്.
