കല്പറ്റ: സുഗന്ധഗിരി മരംമുറി കേസില് ഡിഎഫ്ഒ അടക്കമുള്ള മൂന്ന് ഉദ്യോഗസ്ഥരുടെ സസ്പെന്ഷന് മരവിപ്പിച്ച് സര്ക്കാര്. സസ്പെന്ഷന് ഉത്തരവിറങ്ങിയതിന് തൊട്ടു പിന്നാലെയാണ് അതിവേഗത്തിലുള്ള മരവിപ്പിക്കല്. സൗത്ത് വയനാട് ഡിഎഫ്ഒ എ ഷജ്ന, ഫ്ലൈയിംഗ് സ്ക്വാഡ് റെയ്ഞ്ച് ഓഫീസര് സജീവന്, ഡെപ്യൂട്ടി റേഞ്ച് ഓഫീസര് ബീരാന്കുട്ടി എന്നിവര്ക്കാണ് ഇന്നലെ സസ്പെന്ഷന് നല്കിയത്.
എന്സിപി നേതൃത്വത്തിന്റെ ഇടപെടലാണ് വനംവകുപ്പ് തീരുമാനത്തിന് പിന്നിലെന്ന സൂചനയുണ്ട്. സുഗന്ധഗിരി മരം മുറിയില് മുഖംനോക്കാതെ കുറ്റക്കാര്ക്കെതിരെ നടപടി എടുക്കുമെന്നായിരുന്നു വനംമന്ത്രിയുടെ പ്രഖ്യാപനം, വനംവകുപ്പ് വിജിലന്സിന്റെ റിപ്പോര്ട്ടിന്റെ അടിസ്ഥാനത്തിലായിരുന്നു സസ്പെന്ഷന് ഉത്തരവ്. വിശദീകരണം ചോദിച്ചശേഷം നടപടി മതി എന്നാണ് പുതിയ തീരുമാനമെന്നാണ് വനംവകുപ്പ് വിശദീകരണം.
