തിരുവനന്തപുരം: മുതലപ്പൊഴിയില് മത്സ്യബന്ധനത്തിന് പോയ വള്ളം മറിഞ്ഞ് ഒരു മത്സ്യത്തൊഴിലാളി മരിച്ചു. ഗുരുതമായി പരിക്കു പറ്റി ആശുപത്രിയില് പ്രവേശിപ്പിച്ച അഞ്ചുതെങ്ങ് സ്വദേശി എബ്രഹാം ആണ് മരിച്ചത്. വള്ളത്തില് നാലുപേര് ഉണ്ടായിരുന്നുവെന്നാണ് സൂചന. ഇതില് മൂന്ന് പേരെ രക്ഷപ്പെടുത്തി.
രക്ഷപ്പെടുത്തിയതില് ഒരാളുടെ നില ഗുരുതരമാണ്. പുലിമുട്ടിലേക്ക് വള്ളം ഇടിച്ചു കയറിയാണ് അപകടമുണ്ടായത്. മുതലപ്പൊഴി അഴിമുഖത്ത് ശക്തമായ തിരയടിയില് വള്ളം മറിഞ്ഞ് കഴിഞ്ഞ മാസവും മത്സ്യത്തൊഴിലാളി മരിച്ചിരുന്നു. ഒരു മാസത്തിനിടയിലാണ് വീണ്ടും അപകടമുണ്ടായത്.
