തിരുവനന്തപുരം: സംസ്ഥാനത്ത് അതിതീവ്ര മഴയ്ക്ക് സാധ്യത. രണ്ട് ജില്ലകളില് റെഡ് അലേര്ട്ട് പ്രഖ്യാപിച്ചു. കോട്ടയം, എറണാകുളം ജില്ലകളിലാണ് റെഡ് അലേര്ട്ട്. പത്തനംതിട്ട, ആലപ്പുഴ, ഇടുക്കി ജില്ലകളില് ഓറഞ്ച് അലേര്ട്ടും പ്രഖ്യാപിച്ചിട്ടുണ്ട്. ആറ് ജില്ലകളില് യെല്ലോ അലേര്ട്ട് ആയിരിക്കും.
നാളെ നാല് ജില്ലകളില് ഓറഞ്ച് അലേര്ട്ടായിരിക്കും. പത്തനംതിട്ട, ആലപ്പുഴ, കോട്ടയം, എറണാകുളം ജില്ലകളിലാണ് നാളെ ഓറഞ്ച് അലേര്ട്ട് പ്രഖ്യാപിച്ചിരിക്കുന്നത്. എറണാകുളം, കൊല്ലം, ആലപ്പുഴ, തിരുവനന്തപുരം അടക്കമുള്ള ജില്ലകളില് ഇന്ന് രാവിലെ അതിശക്തമായ മഴയാണ് ലഭിച്ചത്.
കൊച്ചിയില് രാവിലെ മുതല് അതിശക്തമായ മഴ തുടരുകയാണ്. പലയിടത്തും വെള്ളക്കെട്ട് രൂക്ഷമായി. ഗതാഗതക്കുരുക്കും രൂക്ഷമാണ്. എംജി റോഡ്, ഇന്ഫോ പാര്ക്ക് തുടങ്ങിയ ഇടങ്ങളിലും വെള്ളം കയറി. താഴ്ന്ന പ്രദേശങ്ങളില് വീടുകളില് വെള്ളം കയറിയിട്ടുണ്ട്. റോഡില് വെള്ളം കെട്ടിനില്ക്കുന്ന അവസ്ഥയാണ്. കാക്കനാട് വാഴക്കാല മാര്ക്കറ്റ് വെള്ളത്തില് മുങ്ങി. മാര്ക്കറ്റില് മീന്, മാംസം, പച്ചക്കറികള് തുടങ്ങിയവ വെള്ളത്തില് നശിച്ചു. അങ്കമാലിയില് റോഡ് അരികില് പാര്ക്ക് ചെയ്ത ഇരുചക്ര വാഹനങ്ങള് ഒഴുകിപ്പോയി. നഗരത്തിലെ പ്രധാന റോഡുകളില് ഇപ്പോഴും വെള്ളക്കെട്ട് രൂക്ഷമാണ്.
