തിരുവനന്തപുരം: ടിപി ചന്ദ്രശേഖരന് വധക്കേസിലെ മൂന്നു പേരെ ശിക്ഷാ ഇളവ് നല്കി വിട്ടയക്കാനാണ് സര്ക്കാര് തീരുമാനം. പ്രതികളായ ടികെ രജീഷ്,മുഹമ്മദ് ഷാഫി, അണ്ണന് സിജിത്ത് എന്നിവരാണ് പട്ടികയിലുള്ളത്. ശിക്ഷായിളവിന് മുന്നോടിയായി പ്രതികളുടെ പൊലീസ് റിപ്പോര്ട്ട് ആവശ്യപ്പെട്ടു കഴിഞ്ഞതായാണ് വിവരം. കണ്ണൂര് സെന്ട്രല് ജയില് സൂപ്രണ്ടാണ് പൊലീസിന് കത്ത് നല്കിയത്.
എന്നാല്, പ്രതികളെ വിട്ടയക്കില്ലെന്ന് ജയില് മേധാവി ബല്റാം കുമാര് ഉപാധ്യാ അറിയിച്ചു. പ്രതികളെ വിട്ടയക്കാന് വഴിവിട്ട നീക്കമെന്ന വാര്ത്തകളുടെ പശ്ചാത്തലത്തിലാണ് അദ്ദേഹത്തിന്റെ പ്രതികരണം. ടിപി കേസിലെ പ്രതികള്ക്ക് ഇരുപത് വര്ഷംവരെ ശിക്ഷായിളവ് പാടില്ലെന്ന ഹൈക്കോടതി ഉത്തരവ് കണ്ണൂര് ജയില് സൂപ്രണ്ട് പരിശോധിച്ചിട്ടുണ്ടാകില്ലെന്നും ചട്ടപ്രകാരമുള്ള പട്ടിക തയ്യാറാക്കിയപ്പോള് ഉള്പ്പെട്ടതാകാമെന്നും തുടര്പരിശോധനകളില് അവര് ഒഴിവാക്കപ്പെടുമെന്നും ജയില് മേധാവി പറഞ്ഞു.
