തിരുവനന്തപുരം: ആമയിഴഞ്ചാന് തോട് വൃത്തിയാക്കുന്നതിനിടെ ഒഴുക്കില് വീണ് മരണപ്പെട്ട ജോയിയുടെ കുടുംബത്തിന് 10 ലക്ഷം രൂപ ധനസഹായം പ്രഖ്യാപിച്ച് സംസ്ഥാന സര്ക്കാര്. നേരത്തെ തന്നെ കുടുംബത്തിന് ധനസഹായം നല്കുമെന്ന് അറിയിച്ചിരുന്നു. ജോയിയുടെ അമ്മയ്ക്കാണ് പണം അനുവദിച്ചത്. ഇന്ന് ചേര്ന്ന മന്ത്രിസഭാ യോഗത്തിലാണ് തീരുമാനം പ്രഖ്യാപിച്ചത്. ദുരിതാശ്വാസ നിധിയില് നിന്നാണ് തുക അനുവദിച്ചിരിക്കുന്നത്.
ആമയിഴഞ്ചാന് തോട്ടില് കാണാതായി മൂന്ന് ദിവസത്തിന് ശേഷമാണ് ജോയിയുടെ മൃതദേഹം ലഭിച്ചത്. മൂന്ന് ദിവസത്തെ പഴക്കമുള്ളതിനാല് ചീര്ത്ത നിലയിലായിരുന്നു മൃതദേഹം. മൃതദേഹം നെയ്യാറ്റിന്കരയിലെ മാരായമുട്ടത്തെ വീട്ടുവളപ്പില് സംസ്കരിച്ചു. മൂന്നു പേരാണ് ശുചീകരണത്തിനായി തോട്ടില് ഇറങ്ങിയത്. മഴ കനത്തതോടെ ജോയി ഒഴുക്കില് പെടുകയായിരുന്നു. മാരായമുട്ടം സ്വദേശിയാണ് റെയില്വേയുടെ താല്ക്കാലിക തൊഴിലാളിയായ ജോയി. ഇതിനിടെ ജോയിയുടെ കുടുംബത്തിന് വീട് നിര്മിച്ച് നല്കാന് സന്നദ്ധമായി കോര്പ്പറേഷന് രംഗത്തെത്തിയിട്ടുണ്ട്.
