തിരുവനന്തപുരം ജില്ലയില് ഒരാള്ക്ക് കൂടി കോളറ സ്ഥിരീകരിച്ചു. രോഗം പടര്ന്നു പിടിക്കുന്ന സാഹചര്യത്തില് ജനങ്ങള് ആശങ്കയിലാണ്. കോളറ ഉണ്ടായിരുന്ന രോഗിയെ പരിചരിച്ച നഴ്സിന്റെ ഭര്ത്താവിനാണ് രോഗം സ്ഥിരീകരിച്ചത്.
ഛര്ദിയും വയറിളക്കവുമാണ് കോളറയുടെ പ്രധാന ലക്ഷണങ്ങളായി കണക്കാക്കുന്നത്. കാലുകള്ക്ക് ബലക്ഷയം, ചെറുകുടല് ചുരുങ്ങല്, ശരീരത്തില് നിന്ന് അമിതമായി ജലാംശം നഷ്ടപ്പെടല്, തളര്ച്ച, വിളര്ച്ച, എന്നിങ്ങനെയുള്ള ലക്ഷണങ്ങളും കണ്ടേക്കാം. ഛര്ദിയും വയറിളക്കവും മൂലം ജലാംശം നഷ്ടമാകുന്നത് ശരീരതളര്ച്ചയ്ക്കും ബോധക്ഷയത്തിനും കാരണമാകും.
ജലത്തിലൂടെ പകരുന്ന രോഗമാണ് കോളറ. വിബ്രിയോ കോളറേ എന്ന ബാക്ടീരിയയാണ് രോഗം പരത്തുന്നത്. വൃത്തിഹീനമായ ചുറ്റുപാടുകളില് നിന്നും ലഭിക്കുന്ന വെള്ളം, ആഹാരം എന്നിവയിലൂടെയാണ് ഈ രോഗാണു ശരീരത്തിലെത്തുന്നത്. ശരീരത്തില് കടക്കുന്ന ബാക്ടീരിയ ‘കോളറാ ടോക്സിന്’ എന്ന വിഷവസ്തു ഉത്പാദിപ്പിക്കും. ഈ വിഷവസ്തുവാണ് വയറിളക്കത്തിന് കാരണമാകുന്നത്. മനുഷ്യരുടെ മലവിസര്ജ്ജനം വഴി പുറത്തെത്തുന്ന ഈ ബാക്ടീരിയകള് കുടിവെള്ളത്തില് കലരുകയും അതിലൂടെ രോഗം പകരുകയും ചെയ്യും. ഈച്ചയും ഈ രോഗം പരത്തുന്നതില് പ്രധാനപങ്ക് വഹികുന്നുണ്ട്.
