കോഴിക്കോട്: കാരപ്പറമ്പില് ഷെയ്ന് നിഗം ചിത്രമായ ഹാലിന്റെ ചിത്രീകരണത്തിനിടയില് ഗുണ്ടാ ആക്രമണം. വ്യഴാഴ്ച രാത്രിയോടെയായിരുന്നു സംഭവം. പ്രൊഡക്ഷന് മാനേജരായ ജിബു ടിടിയെയാണ് അഞ്ചംഗസംഘം മര്ദ്ദിച്ചതെന്ന് സെറ്റിലുണ്ടായവര് പറയുന്നു.
കോഴിക്കോട് മലാപ്പറമ്പ് ഇഖ്റ ഹോസ്പിറ്റലിന് എത്തിവശത്തുള്ള ഒരു കെട്ടിടത്തിലായിരുന്നു ഷൂട്ടിങ്ങ് നടക്കുന്നത്. ഇവിടേക്കാണ് അഞ്ചംഗ സംഘം എത്തിയത്. ചിത്രീകരണത്തിന്റെ ഭാഗമായി സെറ്റിലേക്ക് ഒരു വാഹനം വാടകയ്ക്ക് എടുത്തിരുന്നുവെന്നും ഇതുമായി ബന്ധപ്പെട്ട തര്ക്കമാണ് സംഘര്ഷത്തിലേക്ക് നയിച്ചതെന്നും പൊലീസ് പറയുന്നു.
പ്രൊഡക്ഷന് മാനേജരെ സംഘം റോഡിലേക്ക് വലിച്ചുകൊണ്ടുപോയെന്നും ലോഹ വള ഉപയോഗിച്ച് മുഖത്തും തലയിലും ഇടിക്കുകയും പിന്നീട് കൈവശമുള്ള കത്തി ഉപയോഗിച്ച് ഇടതുമുട്ടിന് താഴെ കോറിയെന്നും പരാതിയില് പറയുന്നു. സംഭവത്തില് നടക്കാവ് പൊലീസ് കേസെടുത്ത് അന്വേഷണം ആരംഭിച്ചു.
