തിരുവനന്തപുരം: വയനാട് ദുരന്തത്തില് മാതാപിതാക്കള് നഷ്ടപ്പെട്ട കുട്ടികള്ക്ക് പത്ത് ലക്ഷം രൂപ ധനസഹായം നല്കാന് മന്ത്രിസഭാ തീരുമാനം. മാതാപിതാക്കളില് ഒരാള് നഷ്ടപ്പെട്ട കുട്ടികള്ക്ക് 5 ലക്ഷം രൂപ വീതമാണ് പ്രഖ്യാപിച്ചത്. മാതാപിതാക്കള് രണ്ടുപേരും നഷ്ടപ്പെട്ട ആറു കുട്ടികളാണുള്ളത്. മാതാപിതാക്കളില് ഒരാള് നഷ്ടപ്പെട്ട എട്ടു പേരുമുണ്ട്. വനിതാ ശിശു വികസന വകുപ്പാണ് സഹായം കുടുംബങ്ങള്ക്ക് നല്കുകയെന്ന് മുഖ്യമന്ത്രി പറഞ്ഞു.
അതേ സമയം, വയനാട് ഉരുള് പൊട്ടലില് മാതാപിതാക്കളും പിന്നീട് അപകടത്തില് പ്രതിശ്രുത വരനും നഷ്ടമായ ശ്രുതിക്ക് ജോലി നല്കാനും മന്ത്രിസഭ തീരുമാനിച്ചു. ഷിരൂരില് മണ്ണിടിച്ചിലില് മരിച്ച അര്ജുന്റെ കുടുംബത്തിന് 7 ലക്ഷം രൂപ നല്കാനും തീരുമാനിച്ചതായി മുഖ്യമന്ത്രി അറിയിച്ചു. വയനാട് ഉരുള്പൊട്ടലില് കേന്ദ്രസഹായം നല്കിയിട്ടില്ല. സഹായം നല്കാമെന്ന വാഗ്ദാനം ഉണ്ടായിരുന്നു എങ്കിലും പ്രത്യേക സഹായമൊന്നും ഇതുവരെ ലഭ്യമായിട്ടില്ല. ഇക്കാര്യം മന്ത്രിസഭായോഗം ചര്ച്ച ചെയ്തു. എത്രയും വേഗം അര്ഹമായ സഹായം ലഭ്യമാക്കാന് കേന്ദ്രത്തോട് ആവശ്യപ്പെടാന് മന്ത്രിസഭായോഗം തീരുമാനിച്ചിട്ടുണ്ട്.
