കണ്ണൂര്: കൈക്കൂലി ആരോപണം ഉന്നയിച്ച പ്രശാന്തിന്റെ പെട്രോള് പമ്പുമായി ബന്ധപ്പെട്ട് എഡിഎം നവീന് ബാബു ഫയല് അകാരണമായി വൈകിപ്പിച്ചിട്ടില്ലെന്ന് കണ്ണൂര് ജില്ലാ കലക്ടറുടെ റിപ്പോര്ട്ട്. യാത്രയയപ്പ് സമ്മേളനത്തിന്റെ പിറ്റേന്ന് നവീന് ബാബുവിനെ ജീവനൊടുക്കിയ നിലയില് കണ്ടെത്തിയ സംഭവവുമായി ബന്ധപ്പെട്ട് അന്വേഷിച്ച് റിപ്പോര്ട്ട് നല്കാന് കലക്ടറോട് റവന്യൂമന്ത്രി കെ രാജന് നിര്ദേശിച്ചിരുന്നു.
ഇതിന്റെ അടിസ്ഥാനത്തില് തയ്യാറാക്കിയ റിപ്പോര്ട്ടിലാണ് ക്ലീന്ചിറ്റ് നല്കിയിരിക്കുന്നത്. പെട്രോള് പമ്പിന്റെ ഫയല് തീര്പ്പാക്കുന്നതില് നവീന് ബാബുവിന് വീഴ്ചയില്ല. പെട്രോള് പമ്പിന് അനുമതി നല്കുന്നതുമായി ബന്ധപ്പെട്ട് നവീന് ബാബു ഫയല് അകാരണമായി വൈകിപ്പിച്ചിട്ടില്ലെന്നും കലക്ടറുടെ റിപ്പോര്ട്ടില് പറയുന്നു.
