മുസ്ലീം ലീഗ് സംസ്ഥാന അധ്യക്ഷന് സാദിഖലി ശിഹാബ് തങ്ങള്ക്കെതിരേയുള്ള മുഖ്യമന്ത്രിയുടെ പരാമര്ശത്തെ പരിഹസിച്ച് രാഹുല് മാങ്കൂട്ടത്തില്. പാണക്കാട് തങ്ങള്ക്കെതിരെ പിണറായിയുടെ പരാമര്ശം പൊളിറ്റിക്കല് അറ്റാക്ക് അല്ലെന്നും മറിച്ച് ഇടയ്ക്കിടെ ഉള്ളിലെ സംഘി പുറത്തേക്ക് വരുന്നതാണെന്ന് രാഹുല് മാങ്കൂട്ടത്തില് പറഞ്ഞു. പിആര് ഏജന്സികള് ഒളിപ്പിച്ച് വെച്ചിരിക്കുന്ന പിണറായി വിജയനിലെ സംഘി ഇടക്ക് പുറത്തേക്ക് വരുകയാണെന്നും ബിജെപി അധ്യക്ഷന് കെ സുരേന്ദ്രന് പറയേണ്ട രീതിയിലുള്ള പ്രതികരണമാണ് പിണറായി പറഞ്ഞതെന്നും രാഹുല് പറഞ്ഞു.
സുരേന്ദ്രന് സംസാരിക്കാന് പിണറായി അവസരം ഇല്ലാതാക്കിയെന്നും രാഹുല് പരിഹസിച്ചു. സാദിഖലി തങ്ങള് ജമാഅത്തെ ഇസ്ലാമിയുടെ ഒരു അനുയായിയുടെ മട്ടില് പെരുമാറുന്നയാളാണെന്നായിരുന്നു പിണറായി പാലക്കാട് പറഞ്ഞത്.
