62ാമത് സംസ്ഥാന സ്കൂള് കലോത്സവത്തിന് സമാപനം കുറിക്കുമ്പോൾ സ്കൂള് തലത്തില് എവര്റോളിങ് ട്രോഫി നേടി പാലക്കാട് ആലത്തൂര് ബിഎസ്എസ് ഗുരുകുലം എച്ച്എസ്എസ്. കലോത്സവത്തില് പാലക്കാട് ജില്ലയില് നിന്ന് ഏറ്റവും അധികം കുട്ടികള് പങ്കെടുത്തത് ബിഎസ്എസ് ഗുരുകുലത്തില് നിന്നാണ്. 58 ഇനങ്ങളിലായി 200ലധികം കുട്ടികളാണ് ഗുരുകുലത്തില് നിന്നും ഇക്കുറി മത്സരത്തിനെത്തിയത്.
952 പോയിന്റ് നേടി കണ്ണൂര് ജില്ലയാണ് കലാമാമാങ്കത്തിൽ സ്വര്ണക്കപ്പ് നേടിയത്. ഇത് നാലാം തവണയാണ് കണ്ണൂരിന്റെ കിരീടനേട്ടം. കോഴിക്കോടിനെ മറികടന്നാണ് കണ്ണൂര് ഒന്നാം സ്ഥാനത്തെത്തിയത്. 949 പോയിന്റാണ് കോഴിക്കോടിന് ലഭിച്ചത്.
938 പോയിന്റുമായി പാലക്കാട് മൂന്നാം സ്ഥാനത്തും 925 പോയിന്റുമായി തൃശൂര് നാലാം സ്ഥാനത്തുമാണ്. മലപ്പുറം, കൊല്ലം, എറണാകുളം, തിരുവനന്തപുരം, ആലപ്പുഴ, കാസര്ഗോഡ്, കോട്ടയം, വയനാട്, പത്തനംതിട്ട, ഇടുക്കി ജില്ലകളാണ് പിന്നില്.
