ചണ്ഡീഗഡ്: ഖനൗരിയില് നടന്ന ഏറ്റുമുട്ടലില് ഒരു പ്രതിഷേധക്കാരന് കൊല്ലപ്പെടുകയും 12 ഓളം പോലീസുകാര്ക്ക് പരിക്കേല്ക്കുകയും ചെയ്തതിനെത്തുടര്ന്ന് കര്ഷക നേതാക്കള് ബുധനാഴ്ച ഡല്ഹി ചലോ മാര്ച്ച് രണ്ട് ദിവസത്തേക്ക് നിര്ത്തിവച്ചു.
വെള്ളിയാഴ്ച വൈകുന്നേരം അടുത്ത നടപടി തീരുമാനിക്കുമെന്ന് കര്ഷക നേതാവ് സര്വാന് സിംഗ് പന്ദേര് പറഞ്ഞു. ഞായറാഴ്ച രാത്രി മൂന്ന് കേന്ദ്ര മന്ത്രിമാരുടെ പാനലുമായി നടത്തിയ നാലാം വട്ട ചര്ച്ചയെ തുടര്ന്ന് രണ്ട് ദിവസത്തെ വിശ്രമത്തിന് ശേഷം ഖനൗരിയിലെയും ശംഭുവിലെയും പഞ്ചാബ് കര്ഷകര് അതിരാവിലെ തന്നെ തങ്ങളുടെ പ്രക്ഷോഭം പുനരാരംഭിക്കുകയായിരുന്നു.
വിളകള്ക്ക് മിനിമം താങ്ങുവിലയ്ക്ക് (എംഎസ്പി) നിയമപരമായ ഗ്യാരണ്ടി, കാര്ഷിക കടം എഴുതിത്തള്ളല് എന്നിവ ഉള്പ്പെടെയുള്ള ആവശ്യങ്ങള് ഉന്നയിച്ചുള്ള പ്രക്ഷോഭത്തിന്റെ ഇടവേളയില് ആയിരക്കണക്കിന് കര്ഷകര് രണ്ട് അതിര്ത്തി പോയിന്റുകളില് ക്യാമ്പ് ചെയ്യും. കണ്ണീര് വാതക സെല് തലയില് വീണാണ് 24 കാരനായ ശുഭ് മരിച്ചതെന്നാണ് കര്ഷകര് പറയുന്നത്.
