ദില്ലി: രാജ്യത്താകെ ലോക്സഭാ തിരഞ്ഞെടുപ്പ് 7 ഘട്ടങ്ങളിലായി നടക്കുമെന്ന് ഇന്ത്യന് തിരഞ്ഞെടുപ്പ് കമ്മീഷന് പ്രഖ്യാപിച്ചു. രാജ്യത്തെ 543 ലോക്സഭാ സീറ്റുകളിലേയ്ക്കാണ് തിരഞ്ഞെടുപ്പ് നടക്കുക. ഏപ്രില് 19 ന് ആദ്യഘട്ടം വോട്ടെടുപ്പ് നടക്കും. രണ്ടാം ഘട്ടത്തില് കേരളത്തില് ഏപ്രില് 26 ന് തെരഞ്ഞെടുപ്പ് നടക്കും. കേരളത്തില് ഒറ്റഘട്ടമായാണ് 20 മണ്ഡലങ്ങളിലും തിരഞ്ഞെടുപ്പ് നടക്കുക. കേരളത്തില് പത്രികാ സമര്പ്പണം മാര്ച്ച് 28ന് തുടങ്ങി ഏപ്രില് നാലിന് അവസാനിക്കും.
ഏഴ് ഘട്ടവും പൂര്ത്തിയാക്കിയതിന് ശേഷം ജൂണ് 4 ന് വോട്ടെണ്ണല് നടക്കും. തിരഞ്ഞെടുപ്പ് തിയ്യതി പ്രഖ്യാപിച്ചതോടെ പെരുമാറ്റച്ചട്ടം നിലവില് വന്നു. ആദ്യഘട്ട വോട്ടെടുപ്പ് ഏപ്രില് 19ന് നടക്കും. ആദ്യ ഘട്ടത്തില് 102 ലോക്സഭാ മണ്ഡലങ്ങളില് വോട്ടെടുപ്പ് നടക്കും. തമിഴ്നാട് ,രാജസ്ഥാന്, ഛത്തീസ്ഘട്ട്, വടക്ക് കിഴക്കന് സംസ്ഥാനങ്ങളില് വോട്ടെടുപ്പ് നടക്കും. രണ്ടാം ഘട്ട വോട്ടെടുപ്പ് ഏപ്രില് 26നാണ്. രണ്ടാം ഘട്ടത്തില് 13 സംസ്ഥാനങ്ങളിലെ 89 മണ്ഡലങ്ങളിലും വോട്ടെടുപ്പ് നടക്കും.
മൂന്നാംഘട്ട വോട്ടെടുപ്പ് മെയ് ഏഴിനും നാലാംഘട്ടം മെയ് 13നും അഞ്ചാം ഘട്ടം മെയ് 20നും ആറാം ഘട്ടം മെയ് 25നും അവസാനഘട്ടം ജൂണ് ഒന്നിനുമാണ്. മൂന്നാമത്തെ ഘട്ടത്തില് 94 മണ്ഡലങ്ങളില് നാലാം ഘട്ടത്തില് 96 മണ്ഡലങ്ങളിലും അഞ്ചാം ഘട്ടത്തില് 49 മണ്ഡലങ്ങളിലും ആറാം ഘട്ടത്തില് 57 മണ്ഡലങ്ങളിലും ഏഴാം 57 മണ്ഡലങ്ങളിലും വോട്ടെടുപ്പ് നടക്കും. ആകെയുള്ള 543 ലോക്സഭാ സീറ്റില് 412 ജനറല് സീറ്റുകളും 84 പട്ടികജാതി സംവരണ സീറ്റുകളും 47 പട്ടികവര്ഗ്ഗ സംവരണ സീറ്റുകളുമാണുള്ളത്.
