പ്രധാനമന്ത്രിക്കെതിരെ സമൂഹമാധ്യമങ്ങളിൽ അപകീർത്തിപരമായ പരാമർശം നടത്തിയെന്ന പരാതിയിൽ ആം ആദ്മി പാർട്ടിക്ക് തെരഞ്ഞെടുപ്പ് കമ്മിഷന്റെ നോട്ടിസ്. പ്രധാനമന്ത്രി ജനങ്ങൾക്ക് വേണ്ടിയല്ല വ്യവസായികൾക്ക് വേണ്ടിയാണ് പ്രവർത്തിക്കുന്നതെന്നായിരുന്നു ആം ആദ്മി പാർട്ടി സമൂഹമാധ്യമങ്ങളിൽ പങ്കുവച്ച പോസ്റ്റിൽ ഉണ്ടായിരുന്നത്.
പ്രധാനമന്ത്രി ജനങ്ങൾക്ക് വേണ്ടിയല്ല പ്രവർത്തിക്കുന്നത്, വ്യവസായിക്ക് വേണ്ടിയാണെന്നായിരുന്നു എഎപിയുടെ വിമർശനം. വ്യവസായി ഗൗതം അദാനിയും പ്രധാനമന്ത്രി നരേന്ദ്രമോദിയും ഉൾപ്പെടുന്ന ഒരു വിഡിയോയും ‘എക്സിൽ’ എഎപി പോസ്റ്റ് ചെയ്തിരുന്നു. പിന്നാലെ അദാനിയുടെയും മോദിയുടെയും ചിത്രവും പോസ്റ്റ് ചെയ്തിരുന്നു. കേന്ദ്രമന്ത്രി ഹർദീപ് സിംഗ് പുരി, അനിൽ ബലൂനി, പാർട്ടി നേതാവ് ഓം പഥക് എന്നിവരടങ്ങുന്ന ബി.ജെ.പി പ്രതിനിധി സംഘമാണ് വിഷയത്തിൽ തെരഞ്ഞെടുപ്പ് പാനലിനെ സമീപിച്ചത്.
സംസ്ഥാന തെരഞ്ഞെടുപ്പുകളുടെ പശ്ചാത്തലത്തില് മാതൃകാ പെരുമാറ്റച്ചട്ടം ലംഘിച്ചതിന് നടപടി സ്വീകരിക്കാരിതിക്കാന് നവംബര് 16 ന് വൈകുന്നേരം ഏഴിനകം വിശദീകരണം നല്കണം ഇ സി നോട്ടിസില് പറഞ്ഞു.
മാതൃക പെരുമാറ്റച്ചട്ടം
തെരഞ്ഞെടുപ്പ് വേളയില് രാഷ്ട്രീയ കക്ഷികളും സ്ഥാനാര്ത്ഥികളും അനുവര്ത്തിക്കേണ്ട നടപടിക്രമങ്ങളും പാലിക്കേണ്ട നിയന്ത്രണങ്ങളും ഉള്പ്പെടുത്തി തയ്യാറാക്കിയിട്ടുള്ള മാര്ഗനിര്ദ്ദേശങ്ങളാണ് മാതൃകാ പെരുമാറ്റച്ചട്ടം. തെരഞ്ഞെടുപ്പിന്റെ സുഗമമായ നടത്തിപ്പ് ഉറപ്പുവരുത്താന് രാഷ്ട്രീയ കക്ഷികളുമായി കൂടിയാലോചിച്ചാണ് ഈ പെരുമാറ്റ സംഹിത തയ്യാറാക്കിയിട്ടുള്ളത്.
സ്വതന്ത്രവും നിഷ്പക്ഷവും നീതിപൂര്വകവുമായി തെരഞ്ഞെടുപ്പ് ഉറപ്പാക്കുന്നതിന് സ്ഥാനാര്ത്ഥികളും രാഷ്ട്രീയ കക്ഷികളും മാതൃകാ പെരുമാറ്റ സംഹിത പാലിക്കുന്നുണ്ടെന്ന് സംസ്ഥാന തെരഞ്ഞെടുപ്പ് കമ്മീഷന് ഉറപ്പ് വരുത്തും. ഔദ്യോഗിക സംവിധാനങ്ങളുടെ ദുരുപയോഗം, തെരഞ്ഞെടുപ്പ് കുറ്റകൃത്യങ്ങള്, കള്ളവോട്ട്, വോട്ടര്മാര്ക്ക് പണം നല്കി സ്വാധീനിക്കല് തുടങ്ങിയ നിയമവിരുദ്ധ പ്രവര്ത്തനങ്ങള് തടയുന്നതിനുള നടപടി പെരുമാറ്റ സംഹിത നടപ്പിലാക്കുന്നതിന്റെ ഭാഗമായി കമ്മീഷന് സ്വീകരിക്കും.
സംസ്ഥാന തെരഞ്ഞെടുപ്പ് കമ്മീഷന് തദേശഭരണ സ്ഥാപനങ്ങളിലേക്കുള്ള തെരഞ്ഞെടുപ്പ് സമയക്രമം പ്രഖ്യാപിക്കുന്ന തീയതി മുതല് മാതൃകാ പെരുമാറ്റച്ചട്ടം നിലവില് വരും. പെരുമാറ്റച്ചട്ടം തെരഞ്ഞെടുപ്പ് നടപടിക്രമങ്ങള് പൂര്ത്തികരിക്കുന്നതുവരെ തുടരും.
പൊതുതെരഞ്ഞെടുപ്പ് വേളയില് എല്ലാ തദേശസ്വയം ഭരണ സ്ഥാപനങ്ങിലും മാതൃകാ പെരുമാറ്റച്ചട്ടം ബാധകമായിരിക്കും. എന്നാല് ഉപ തെരഞ്ഞെടുപ്പ് നടക്കുമ്പോള് ജില്ലാ/ബ്ലോക്ക് പഞ്ചായത്തുകളുടെ കാര്യത്തില്, അതാത് നിയോജകമണ്ഡലങ്ങള്ക്കും നിയോജകമണ്ഡലത്തില് ഉള്പ്പെട്ടുവരുന്ന, ഗ്രാമപഞ്ചായത്തുകളിലെ എല്ലാ നിയോജകമണ്ഡലങ്ങളിലും, ഗ്രാമപഞ്ചായത്തുകളുടെ കാര്യത്തില് പഞ്ചായത്തിലെ എല്ലാ നിയോജകമണ്ഡലങ്ങളിലും നഗരസഭകളുടെ കാര്യത്തില് തെരഞ്ഞെടുപ്പ് നടക്കുന്ന വാര്ഡിലും മാതൃകാ പെരുമാറ്റച്ചട്ടം ബാധകമായിരിക്കും.
